Jamnagar Accident: જામનગર નજીક ગમખ્વાર અકસ્માત,રિક્ષા અને કાર વચ્ચેની ટક્કરમાં 3 ના મોત,10 ઇજાગ્રસ્ત

Jamnagar નજીક ગમખ્વાર અકસ્માત

આ ભીષણ અકસ્માતમાં અંદાજે 10 જેટલા લોકો ગંભીર રીતે ઇજાગ્રસ્ત થયા છે. ઇજાગ્રસ્તોમાં 2 મહિલાઓ ઉપરાંત 5 થી 6 માસૂમ બાળકોનો પણ સમાવેશ થાય છે, જેઓ પોતાના પરિવાર સાથે દર્શનાર્થે જઈ રહ્યા હતા. ઘટનાની જાણ થતા જ આસપાસના લોકો અને 108 એમ્બ્યુલન્સની ટીમ તાત્કાલિક ઘટનાસ્થળે દોડી આવી હતી. તમામ ઇજાગ્રસ્તોને ત્વરિત સારવાર અર્થે 108 એમ્બ્યુલન્સ મારફતે જામનગરની પ્રખ્યાત જી.જી. હોસ્પિટલ (GG Hospital) ખાતે ખસેડવામાં આવ્યા હતા.

જી.જી. હોસ્પિટલમાં ઇજાગ્રસ્તોની સારવાર શરૂ

અકસ્માતને પગલે ઘટનાસ્થળે લોહીના નિશાન અને લોકોની ભારે ભીડ જામી ગઈ હતી, જ્યારે બીજી તરફ જી.જી. હોસ્પિટલ ખાતે ઇજાગ્રસ્તોના સગા-સંબંધીઓ અને લોકટોળા ઉમટી પડતા ભારે દોડધામ અને આક્રંદનો માહોલ સર્જાયો હતો. હોસ્પિટલના તબીબો દ્વારા ઇજાગ્રસ્ત તમામ દર્દીઓની યુદ્ધના ધોરણે સારવાર શરૂ કરી દેવામાં આવી છે. સ્થાનિક પોલીસ પણ ઘટનાસ્થળે પહોંચીને ટ્રાફિક ક્લિયર કરાવવાની સાથે અકસ્માત કયા સંજોગોમાં સર્જાયો તે અંગેની સઘન તપાસ શરૂ કરી દીધી છે.

આ પણ વાંચો:  Nepal Flood Update : નેપાળ જળ હોનારતમાં મદદ માટે ગુજરાતની NFSU ટીમ મેદાને, DNA મેચિંગથી થશે મૃતદેહોની ઓળખ