Jamnagar CC Road Controversy : મહાનગરપાલિકાની અનોખી 'બુદ્ધિ', રસ્તા વચ્ચે વીજ પોલ રાખી બનાવી દીધો રોડ!

Jamnagar CC Road Controversy  : નિયમોને નેવે મૂકી 'કોન્ટ્રાક્ટર રાજ'

સામાન્ય રીતે કોઈપણ રસ્તો બનાવતા પહેલા નડતરરૂપ દબાણો કે વીજળીના થાંભલા (Electric Pole) હટાવવાની પ્રક્રિયા હાથ ધરવામાં આવતી હોય છે. પરંતુ જામનગરના વોર્ડ નંબર-2 માં સ્થિતિ કંઈક અલગ જ જોવા મળી. અહીં નવા બનતા સીસી રોડ (CC Road) ના કામમાં કોન્ટ્રાક્ટરે એટલી ઉતાવળ કરી કે રસ્તાની વચ્ચોવચ ઉભેલા લોખંડના વીજ પોલને હટાવવાની તસ્દી સુદ્ધાં લીધી નથી. થાંભલાની ચારે બાજુ સિમેન્ટ કોંક્રિટ પાથરીને રસ્તો તૈયાર કરી દેવામાં આવ્યો છે, જે હવે વાહનચાલકો માટે જીવતું જાગતું જોખમ બની ગયો છે.

Jamnagar Municipal Corporation : જામનગર મહાનગરપાલિકાએ કર્યું બુધ્ધિનું પ્રદર્શન | Gujarat First

નાગરિકે વીડિયો બનાવી
સોશિયલ મીડિયામાં કર્યો વાયરલ

જામનગર મહાનગરપાલિકાએ કર્યું બુધ્ધિનું પ્રદર્શન
વોર્ડ નંબર-2માં વીજ પોલ ફરતે સીસી રોડ બનાવી નાખ્યો
નાગરિકે વીડિયો બનાવી સોશિયલ… pic.twitter.com/pTgTTnPN0Q

— Gujarat First (@GujaratFirst) March 15, 2026

વીડિયો વાયરલ થતા તંત્રની પોલ ખુલી

આ ગંભીર બેદરકારી સામે આવતા જ એક જાગૃત નાગરિકે આ દ્રશ્યો કેમેરામાં કેદ કરી લીધા હતા. સોશિયલ મીડિયા પર આ વાયરલ વીડિયો (Viral Video) જોયા બાદ લોકો તંત્રની મજાક ઉડાવી રહ્યા છે. લોકો સવાલ કરી રહ્યા છે કે શું રસ્તો બનાવતી વખતે સુપરવિઝન કરનાર કોઈ અધિકારી હાજર નહોતા? અંધારામાં કે પૂરઝડપે આવતું વાહન જો આ થાંભલા સાથે અથડાય તો તેની જવાબદારી કોની રહેશે?

ભ્રષ્ટાચાર કે બેદરકારી?

જામનગર મનપા (JMC) અગાઉ પણ અનેક વખત વિવાદોમાં રહી છે. આ ઘટના ફરી એકવાર સાબિત કરે છે કે કોર્પોરેશનમાં માત્ર કોન્ટ્રાક્ટરોના હિતોનું ધ્યાન રાખવામાં આવે છે અને જનતાની સુરક્ષાને ગૌણ માનવામાં આવે છે. સ્થાનિક રહીશોની માગ છે કે આ ભ્રષ્ટ કામગીરી કરનાર કોન્ટ્રાક્ટર અને બેદરકાર અધિકારીઓ સામે કડક કાર્યવાહી કરવામાં આવે અને તાત્કાલિક ધોરણે આ વીજ પોલને રસ્તા પરથી હટાવવામાં આવે.

આ પણ વાંચો : ખંભાળિયા DYSP Office માં મહિલા સફાઈકર્મીનો આત્મહત્યાનો પ્રયાસ, લાઈવ વીડિયો બનાવી મહિલાએ પીધી દવા