PM Modi Gujarat Visit: આજથી PM Modi ગુજરાત પ્રવાસે, જાણો 2 દિવસનો સંપૂર્ણ કાર્યક્રમ
- વડાપ્રધાન મોદી (PM Modi) આજે ગુજરાતના પ્રવાસે
- 10 મેની રાત્રે જામનગર પહોંચશે વડાપ્રધાન મોદી
- 11 મે એ સોમનાથ અમૃત મહોત્સવમાં આપશે હાજરી
- સોમનાથ મહાદેવના દર્શન કરી જનસભાને સંબોધશે
- વડોદરામાં સરદારધામ છાત્રાલયનું કરશે લોકાર્પણ
PM Modi Gujarat Visit: વડાપ્રધાન નરેન્દ્રભાઈ મોદી (PM Modi) આજે અને આવતીકાલે એમ બે દિવસ માટે ગુજરાતના પ્રવાસે આવી રહ્યા છે. જામનગર (Jamnagar) થી શરૂ થનારા આ પ્રવાસ દરમિયાન તેઓ સોમનાથ મહાદેવના દર્શન કરશે અને વડોદરા (Vadodara) માં મહત્વના પ્રકલ્પનું લોકાર્પણ પણ કરશે. વડાપ્રધાનના આગમનને પગલે ત્રણેય શહેરોમાં ચુસ્ત બંદોબસ્ત અને ઉત્સાહનો માહોલ જોવા મળી રહ્યો છે.
10 મે: જામનગરમાં PM Modi નું ભવ્ય આગમન અને રાત્રિ રોકાણ
વડાપ્રધાન મોદીના પ્રવાસની શરૂઆત આજે રાત્રે જામનગરથી થશે.રાત્રે 08.45 કલાકે વડાપ્રધાન જામનગર એરપોર્ટ (Jamnagar Airport) પર ઉતરાણ કરશે જે બાદ રાત્રે 09.00 કલાકે જામનગરમાં જન અભિવાદન સમારોહ (Public Greeting Ceremony) યોજાશે, જ્યાં તેઓ નાગરિકોનું અભિવાદન ઝીલશે.ત્યારબાદ તેઓ જામનગર સર્કિટ હાઉસ (Circuit House) ખાતે રાત્રિ રોકાણ કરશે.
જામનગરમાં દિવાળી જેવો માહોલ
વડાપ્રધાન નરેન્દ્ર મોદી (PM Modi) ના આગમનને વધાવવા માટે જામનગર (Jamnagar) શહેર દુલ્હનની જેમ સજ્જ થયું છે. તા. 10 અને 11 મે ના રોજ વડાપ્રધાનની મુલાકાતને લઈને શહેરભરમાં દિવાળી જેવો માહોલ જોવા મળી રહ્યો છે. સરકારી ઇમારતો અને મુખ્ય સર્કલ્સને અવનવી રોશનીથી શણગારવામાં આવ્યા છે, જેની વચ્ચે આજે સાંજે ભવ્ય સાંસ્કૃતિક કાર્યક્રમોની જમાવટ થશે.એરફોર્સ સ્ટેશન (Air Force Station) થી લાલ બંગલા સર્કલ સુધીના સમગ્ર રૂટને ઝળહળતી રોશનીથી સજાવવામાં આવ્યો છે. ખાસ કરીને શહેરના ઐતિહાસિક અને મુખ્ય સ્થળો જેવા કે દરબારગઢ, ડી.કે.વી. કોલેજ, બેડી નાકુ, પવનચક્કી, અન્નપૂર્ણા સર્કલ તથા મહાકાળી સર્કલ ખાતે વિશેષ લાઈટિંગ અને અવનવી રોશની દ્વારા દિવાળી જેવો માહોલ ઊભો કરવામાં આવ્યો છે. આ સાથે જ દરેક મુખ્ય સર્કલ પર વડાપ્રધાનશ્રીના નેતૃત્વમાં અમલી બનેલી જન-ઉપયોગી યોજનાઓની સફર દર્શાવતી ડોક્યુમેન્ટરી ફિલ્મનું નિદર્શન પણ યોજાઇ રહ્યું છે.
PM Modi Gujarat Visit: વડાપ્રધાન મોદી આજે ગુજરાતના પ્રવાસે
10 મેની રાત્રે જામનગર પહોંચશે વડાપ્રધાન મોદી
11 મેએ સોમનાથ અમૃત મહોત્સવમાં આપશે હાજરી
સોમનાથ મહાદેવના દર્શન કરી જનસભાને સંબોધશે
વડોદરામાં સરદારધામ છાત્રાલયનું કરશે લોકાર્પણ
વડાપ્રધાન વડોદરામાં જનમેદનીને સંબોધિત કરશે… pic.twitter.com/0ngQRVv2OM— Gujarat First (@GujaratFirst) May 10, 2026
કીર્તિદાન ગઢવીનો ડાયરો યોજાશે
ઉલ્લેખનીય છે કે,આજે તા. 10મીની રાત્રે અંદાજે 07.30 કલાકે લાલ બંગલા સર્કલ ખાતે વિશાળ જન અભિવાદન કાર્યક્રમનું આયોજન કરાયું છે જેમાં ગુજરાતના ખ્યાતનામ કલાકાર કીર્તિદાન ગઢવી દ્વારા લોક ડાયરો પ્રસ્તુત કરવામાં આવશે.તથા સૌરાષ્ટ્રની રાસ મંડળીઓ દ્વારા હુડો રાસ, સિદી ધમાલ નૃત્ય, મણિયારો રાસ સહિતના પરંપરાગત લોકનૃત્યો તથા ખ્યાતનામ કલાકારો દ્વારા સાંસ્કૃતિક કાર્યક્રમોની ભવ્ય પ્રસ્તુતિ પણ રજૂ કરવામાં આવશે.
11 મે: સોમનાથમાં અમૃત મહોત્સવ અને જનસભા
આવતીકાલનો દિવસ ધાર્મિક અને રાજકીય દ્રષ્ટિએ મહત્વનો રહેશે.સવારે 09.15 કલાકે જામનગરથી હેલિકોપ્ટર (Helicopter) મારફતે સોમનાથ જવા રવાના થશે.સવારે 10.00 કલાકે સોમનાથ (Somnath) હેલિપેડ પર આગમન સાથે જ તેઓ સોમનાથ મંદિરના દર્શન અને પૂજન વિધિમાં જોડાશે.વડાપ્રધાન સોમનાથ ખાતે 'અમૃત મહોત્સવ' (Amrit Mahotsav) પ્રસંગે વિશેષ ઉપસ્થિત રહેશે. ત્યાર બાદ બપોરે 12.00 કલાકે:** સોમનાથમાં જંગી જનસભા (Public Meeting) ને સંબોધશે અને કાર્યકર્તાઓ સાથે સંવાદ પણ કરશે.
11 મે: વડોદરામાં સરદારધામ હોસ્ટેલનું ઉદ્ઘાટન
સોમનાથના કાર્યક્રમો પૂર્ણ કર્યા બાદ વડાપ્રધાન મધ્ય ગુજરાતની મુલાકાત લેશે.બપોરે 04.30 કલાકે રાજકોટ એરપોર્ટ (Rajkot Airport) થી વડોદરા જવા પ્રસ્થાન કરશે. સાંજે 05.45 કલાકે વડોદરા એરપોર્ટ પર આગમન થશે.સાંજે 07.15 કલાકે વડોદરામાં નવનિર્મિત સરદારધામ છાત્રાલય (Sardardham Hostel) નું ઉદ્ઘાટન અને લોકાર્પણ કરશે. વડોદરામાં વડાપ્રધાન જનમેદનીને સંબોધિત કરશે અને ત્યારબાદ રાત્રે 07.45 કલાકે દિલ્હી જવા રવાના થશે.
આ પણ વાંચો: Gujarat News Today: આજે 10 મે 2026 ના દિવસે શું થશે ગુજરાતમાં?