Gujarat માં ભર ઉનાળે ચોમાસા જેવો માહોલ: અમદાવાદ-રાજકોટ સહિત રાજ્યભરમાં કુદરતનો કહેર
Unseasonal Rain Gujarat : ગુજરાતમાં હવામાન વિભાગ (Meteorological Department) ની આગાહી સાચી ઠરી છે. આજે બપોર બાદ અચાનક વાતાવરણમાં પલટો (Weather Change) આવતા દેવભૂમિ દ્વારકા (Devbhumi Dwarka), જામનગર (Jamnagar), કચ્છ (Kutch) અને જૂનાગઢ (Junagadh) સહિતના વિસ્તારોમાં ગાજવીજ અને ભારે પવન સાથે કમોસમી વરસાદ (Unseasonal Rain) ખાબક્યો છે. વરસાદની સતત અપડેટ જાણવા માટે અમારી સાથે અહીં જોડાયેલા રહો...
અમદાવાદમાં મોસમનો મિજાજ બદલાયો: ધૂળની ડમરીઓ સાથે કમોસમી વરસાદી ઝાપટાં
March 19, 2026 8:30 pm
અમદાવાદ શહેરમાં આજે વાતાવરણમાં અચાનક મોટો પલટો જોવા મળ્યો છે. બપોરની અસહ્ય અને આકરી ગરમી બાદ સાંજના સમયે આકાશમાં વાદળો ઘેરાયા હતા અને અનેક વિસ્તારોમાં કમોસમી વરસાદી ઝાપટાં પડ્યા હતા. વરસાદની સાથે ફૂંકાયેલા ભારે પવનને કારણે સમગ્ર શહેરમાં ઠંડક પ્રસરી ગઈ છે, જેનાથી ગરમીથી પરેશાન નાગરિકોને મોટી રાહત મળી છે. સાંજે પવનના તેજ સુસવાટા સાથે ધૂળની ડમરીઓ ઉડતા વિઝિબિલિટી ઓછી થઈ ગઈ હતી, જેના કારણે વાહનચાલકોને ભારે મુશ્કેલીનો સામનો કરવો પડ્યો હતો. અચાનક આવેલા વરસાદી ઝાપટાંને કારણે શહેરના મુખ્ય માર્ગો પર વાહનોની લાંબી કતારો લાગી હતી અને અનેક સ્થળે ટ્રાફિક જામના દ્રશ્યો સર્જાયા હતા. હવામાન વિભાગની આગાહી મુજબ, હજુ પણ આગામી સમયમાં વાતાવરણ આવું જ યથાવત રહેવાની શક્યતા છે. ભર ઉનાળે વરસાદી માહોલ સર્જાતા અમદાવાદીઓએ મિશ્ર ઋતુનો અનુભવ કર્યો હતો.
Ahmedabad શહેરમાં વાતાવરણનો મિજાજ બદલાયો | Gujarat First
— Gujarat First (@GujaratFirst) March 19, 2026
અમદાવાદ શહેરમાં વાતાવરણનો મિજાજ બદલાયો
સાંજે ધૂળની ડમરી ઉડતા વાહનચાલકો મુશ્કેલીમાં
ભારે પવનને કારણે વાતાવરણમાં ઠંડક પ્રસરી
બપોરની આકરી ગરમી બાદ ઠંડકથી લોકોને રાહત
હજુ પણ વાતાવરણ યથાવત રહેવાની આગાહી #Gujarat #Ahmedabad… pic.twitter.com/8jXH5u20Tc
દ્વારકામાં મેઘરાજાની ધમાકેદાર એન્ટ્રી: ભદ્રકાળી ચોક સહિતના વિસ્તારો જળબંબાકાર
March 19, 2026 8:30 pm
દ્વારકા જગત મંદિરના સાનિધ્યમાં આજે અચાનક વાતાવરણમાં મોટો પલટો જોવા મળ્યો હતો. બપોર બાદ આકાશ કાળાડિબાંગ વાદળોથી ઘેરાઈ ગયું હતું અને ભારે ગાજવીજ સાથે કમોસમી વરસાદ તૂટી પડ્યો હતો. ધોધમાર વરસાદને કારણે યાત્રાધામના અનેક વિસ્તારોમાં જળબંબાકાર જેવી સ્થિતિ સર્જાઈ છે. વરસાદનું જોર એટલું વધારે હતું કે શહેરના ભદ્રકાળી ચોક વિસ્તારમાં રસ્તાઓ પર નદી-નાળા છલકાયા હોય તેવા દ્રશ્યો સર્જાયા હતા. પાણી ભરાઈ જવાથી જનજીવન પર માઠી અસર પડી હતી. અચાનક તૂટી પડેલા વરસાદથી દર્શનાર્થે આવેલા હજારો શ્રદ્ધાળુઓ અને સ્થાનિક રાહદારીઓ મુશ્કેલીમાં મુકાયા હતા. ખુલ્લામાં રહેલા લોકોએ આશ્રય લેવા માટે દોડધામ કરવી પડી હતી. ભર ઉનાળે ચોમાસા જેવો અહેસાસ કરાવતા આ વરસાદે ઠંડક તો પ્રસરાવી છે, પરંતુ અચાનક આવેલા આ પલટાએ યાત્રિકો અને સ્થાનિક તંત્રની દોડધામ વધારી દીધી છે.
Dwarka Unseasonal Rain | ભરઉનાળે તૂટી પડ્યો વરસાદ | Gujarat First
— Gujarat First (@GujaratFirst) March 19, 2026
રસ્તાઓ પર વરસાદી પાણી ભરાતા વાહનચાલકો ભારે પરેશાન થયા
યાત્રાધામ દ્વારકામાં અચાનક વાતાવરણમાં મોટો પલટો જોવા મળ્યો
ભારે ગાજવીજ સાથે વરસાદ પડતા અનેક વિસ્તારો જળબંબાકાર
ભદ્રકાળી ચોક વિસ્તારમાં નદી નાળા છલકાયા હોય… pic.twitter.com/PqjYhvuzL8
પાવાગઢમાં કુદરતનો મિજાજ બદલાયો: ભારે પવનને કારણે રોપ-વે સેવા સ્થગિત
March 19, 2026 8:30 pm
પંચમહાલ જિલ્લાના પ્રસિદ્ધ શક્તિપીઠ પાવાગઢ ખાતે આજે વહેલી સવારથી જ વાતાવરણમાં અચાનક પલટો જોવા મળ્યો હતો. ડુંગર પર છવાયેલા ભારે ધુમ્મસ અને સુસવાટા મારતા ઠંડાગાર પવનને કારણે યાત્રિકોની સુરક્ષાને ધ્યાનમાં રાખીને રોપ-વે સેવા હાલ પૂરતી બંધ કરવામાં આવી છે. વહેલી સવારથી જ આખું પાવાગઢ ડુંગર ધુમ્મસની ચાદરમાં લપેટાઈ ગયું હતું. દ્રશ્યતા (Visibility) ઓછી થવાની સાથે ઠંડા પવનની લહેરો ફૂંકાતા ભક્તોએ ભર ઉનાળે ચોમાસા કે શિયાળા જેવો અહેસાસ કર્યો હતો. પવનનું જોર વધુ હોવાથી તકેદારીના ભાગરૂપે રોપ-વે બંધ રાખવાનો નિર્ણય લેવાયો છે. જેના કારણે માતાજીના દર્શનાર્થે આવેલા હજારો ભક્તોએ હવે ફરજિયાતપણે પગપાળા માર્ગનો જ સહારો લેવો પડશે. અચાનક સેવા બંધ થતા વ વૃદ્ધો અને અશક્ત શ્રદ્ધાળુઓ માટે મુશ્કેલી સર્જાઈ છે, જોકે વહીવટી તંત્ર દ્વારા પવનની ગતિ સામાન્ય ન થાય ત્યાં સુધી ધીરજ રાખવા અપીલ કરવામાં આવી છે. ભારે પવન અને કુદરતી સૌંદર્ય વચ્ચે ભક્તોની આસ્થાનો અનોખો સંગમ જોવા મળી રહ્યો છે, પરંતુ રોપ-વે બંધ રહેતા દર્શન માટેના સમયમાં વધારો થઈ શકે છે.
Panchmahal | Pavagadh Hill ઉપર ભારે પવનના કારણે Ropeway Service બંધ | Gujarat First
— Gujarat First (@GujaratFirst) March 19, 2026
ભક્તોએ દર્શન માટે પગપાળા માર્ગનો જ સહારો લેવો પડશે
પાવાગઢ ડુંગર ઉપર ભારે પવનના કારણે રોપ વે સેવા બંધ
વહેલી સવારે પાવાગઢના વાતાવરણમાં પલટો આવ્યો હતો
ડુંગર પર ભારે ધુમ્મસ સાથે જ ઠંડાગાર પવનની… pic.twitter.com/ozORFLNR9T
રાજકોટમાં તોફાની પવન સાથે કમોસમી વરસાદ: અનેક વિસ્તારોમાં પાણી ભરાયા, વૃક્ષો ધરાશાયી
March 19, 2026 8:30 pm
રાજકોટ શહેરમાં આજે તેજ પવન અને ગાજવીજ સાથે કમોસમી વરસાદી ઝાપટાં પડ્યા હતા. વરસાદની સાથે ફૂંકાયેલા ભારે પવનને કારણે શહેરના કાલાવડ રોડ પર આવેલી આત્મીય યુનિવર્સિટીની પાછળ એક વિશાળ વૃક્ષ ધરાશાયી થવાની ઘટના સામે આવી છે. આ અકસ્માતમાં ત્યાં પાર્ક કરેલા વાહનો પર વૃક્ષ પડતા વાહનોને મોટું નુકસાન પહોંચ્યું છે. શહેરના મુખ્ય માર્ગો અને રાજમાર્ગો પર પાણી ફરી વળ્યા હતા. ખાસ કરીને પોપટપરા નાળા સહિતના અનેક વિસ્તારોમાં પાણી ભરાઈ જતાં વાહનચાલકોને પસાર થવામાં ભારે મુશ્કેલી પડી હતી. અચાનક આવેલા વરસાદ અને રસ્તાઓ પર ભરાયેલા પાણીને કારણે ઠેર-ઠેર ટ્રાફિક જામના દ્રશ્યો જોવા મળ્યા હતા. ભારે પવનને લીધે વાતાવરણમાં ઠંડક તો પ્રસરી છે, પરંતુ અચાનક તૂટી પડેલા વરસાદે તંત્રની પ્રી-મોન્સૂન કામગીરી સામે પણ સવાલો ઊભા કર્યા છે.
રાજકોટમાં ભારે પવન સાથે કમોસમી વરસાદ
— Gujarat First (@GujaratFirst) March 19, 2026
કાલાવડ રોડ પર આત્મીય યુનિ. પાછળ વૃક્ષ ધરાશાયી
વૃક્ષ ધરાશાયી થતાં વાહનને પહોંચ્યું નુકસાન
પોપટપરા નાળુ સહિત અનેક જગ્યાએ પાણી ભરાયા#Gujarat #Rajkot #KalawadRoad #UnseasonalRain #StrongWinds #TreeFall #WaterLogging #Popatpara #GujaratFirst pic.twitter.com/SJ6kmp0G2u
અમરેલી પંથકમાં કમોસમી વરસાદ
March 19, 2026 8:29 pm
અમરેલી જિલ્લાના વાતાવરણમાં સતત બીજા દિવસે પણ મોટો પલટો જોવા મળ્યો છે. વડીયા સહિતના ગ્રામ્ય પંથકમાં સતત બીજા દિવસે કમોસમી વરસાદ ખાબકતા જનજીવન પ્રભાવિત થયું છે. વડીયા શહેરમાં ભારે પવન અને વીજળીના કડાકા-ભડાકા સાથે વરસાદી માહોલ જામ્યો હતો. વરસાદની સાથે ફૂંકાયેલા અતિશય વેગીલા પવનને કારણે શહેરની મુખ્ય બજારોમાં ધૂળની ડમરીઓ ઉડી હતી અને દુકાનોના સાઈનબોર્ડ પણ હવામાં ફંગોળાયા હતા. ઉનાળુ પાકની સીઝન ચાલી રહી છે ત્યારે અચાનક આવેલા આ કમોસમી વરસાદને કારણે ખેડૂતોમાં ભારે ચિંતા પ્રસરી છે. ખેતરોમાં ઉભેલા તૈયાર પાકને આ વરસાદ અને પવનથી મોટું નુકસાન થવાની ભીતિ સેવાઈ રહી છે.
અમરેલીમાં વાતાવરણમાં મોટો પલટો આવ્યો
— Gujarat First (@GujaratFirst) March 19, 2026
બીજા દિવસે પણ વડીયા સહિત પંથકમાં કમોસમી વરસાદ
વડીયા શહેરમાં ભારે પવન અને ગાજવીજ સાથે વરસાદ
શહેરની મુખ્ય બજારોમાં ધૂળની ડમરીઓ અને બોર્ડ ઉડ્યા
કમોસમી વરસાદથી ખેડૂતોને ખેતી પાકમાં નુકસાનની ભીતિ#Gujarat #Amreli #Vadiya #UnseasonalRain… pic.twitter.com/I46JfVPXgo
કંડલામાં મોબાઈલ ટાવર ધરાશાયી: મોટી જાનહાનિ ટળી
March 19, 2026 7:24 pm
કચ્છના આર્થિક કેન્દ્ર સમાન કંડલા (Kandla) વિસ્તારમાં ભારે પવનના કારણે એક વિશાળ મોબાઈલ ટાવર (Mobile Tower) પત્તાના મહેલની જેમ ધરાશાયી થયો છે. આ ઘટના કંડલાના ગુરુદ્વારા (Gurudwara) પાસે બની હતી. સદનસીબે, જ્યારે આ ટાવર પડ્યો ત્યારે આસપાસ કોઈ વ્યક્તિ હાજર ન હોવાથી મોટી જાનહાનિ ટળી છે.
વાવ-થરાદમાં કુદરતનું તાંડવ: સોલર પ્લેટો હવામાં ઊડી!
March 19, 2026 6:55 pm
બનાસકાંઠાના વાવ (Vav), થરાદ (Tharad) અને સુઈગામ (Suigam) પંથકમાં તોફાની પવન અને વરસાદે ભારે તારાજી સર્જી છે. ભરડવા (Bharadwa) ગામે સોલર પ્લેટો પત્તાની જેમ હવામાં ઊડતા લાખોનું નુકસાન થયું છે. કુદરતી આફતના કારણે ખેતરોમાં સ્થાપિત સોલર પ્લાન્ટ્સ જમીનદોસ્ત થતા રોકાણકારો આર્થિક સંકટમાં મુકાયા છે. પવનના તાંડવે સમગ્ર સરહદી વિસ્તારમાં ભયનો માહોલ પેદા કર્યો છે.
Banaskantha માં તોફાની પવનનો આતંક! | Gujarat First
— Gujarat First (@GujaratFirst) March 19, 2026
સોલર પ્લેટો પત્તાની જેમ હવામાં ઊડી
વાવ અને થરાદ પંથકમાં કુદરતનો ભારે પ્રકોપ જોવા મળ્યો
તોફાની પવન સાથે વરસાદથી સોલર પ્રોજેક્ટ્સમાં ભારે નુકસાન
સુઈગામના ભરડવા ગામે સોલર પ્લેટો પત્તાની જેમ ઉડી
ભારે પવનના તાંડવથી લાખોની સોલર… pic.twitter.com/OYujwd3O3g
ખેડૂતો માટે મહત્વપૂર્ણ એલર્ટ અને માર્ગદર્શિકા જાહેર
March 19, 2026 6:39 pm
રાજ્યમાં આગામી 21 તારીખ સુધી કમોસમી વરસાદની આગાહીને પગલે રાજ્ય સરકાર દ્વારા ખેડૂતો માટે મહત્વપૂર્ણ એલર્ટ અને માર્ગદર્શિકા જાહેર કરવામાં આવી છે. ખાસ કરીને ઉત્તર ગુજરાત અને સૌરાષ્ટ્રના વિવિધ જિલ્લાઓના ખેડૂતોને સાવચેતીના ભાગરૂપે યોગ્ય પગલાં લેવા સૂચના આપવામાં આવી છે. સરકાર દ્વારા ખેડૂતોને અપીલ કરવામાં આવી છે કે તેઓ કાપણી કરેલા પાકને તાત્કાલિક સુરક્ષિત સ્થળે ખસેડે અથવા તાડપત્રીથી યોગ્ય રીતે ઢાંકી દે જેથી પાક પલળે નહીં. આ ઉપરાંત, વરસાદી માહોલને ધ્યાનમાં રાખીને હાલના તબક્કે જંતુનાશક દવાઓનો છંટકાવ અટકાવવા અને ખાતર તથા બિયારણનો જથ્થો સુરક્ષિત રાખવા ભલામણ કરવામાં આવી છે. રાજ્યની તમામ APMC (માર્કેટિંગ યાર્ડ) ને પણ ખેડૂતોના પાકનું રક્ષણ કરવા માટે જરૂરી તકેદારી રાખવા નિર્દેશ અપાયા છે. જો ખેડૂતોને ખેતી બાબતે કોઈપણ પ્રકારની સમસ્યા કે મૂંઝવણ હોય, તો તેઓ નિવારણ માટે કિસાન કોલ સેન્ટરના ટોલ ફ્રી નંબર 1800-180-1551 પર સંપર્ક કરી શકે છે.
દ્વારકા જિલ્લામાં કાળા ડીબાંગ વાદળો અને વીજળીના કડાકા
March 19, 2026 6:29 pm
દ્વારકા (Dwarka) શહેરમાં બપોર પછી વાતાવરણ એકાએક પલટાયું હતું. કાળા ડીબાંગ વાદળો અને વીજળીના ચમકારા સાથે વરસાદની શરૂઆત થઈ હતી. જામ ખંભાળીયા (Jam Khambhalia) તાલુકાના ધરમપુર (Dharampur), કંચનપુર (Kanchanpur) અને સલાયા (Salaya) વિસ્તારમાં જોરદાર વરસાદી ઝાપટા પડ્યા હતા. કલ્યાણપુર (Kalyanpur), રાવલ (Rawal) અને ભાટિયા (Bhatiya) પંથકમાં પણ તેજ પવન સાથે ધૂળની ડમરીઓ ઉડી હતી અને ત્યારબાદ વરસાદ તૂટી પડ્યો હતો.
જામનગર અને કચ્છમાં વાવાઝોડાની અસર
March 19, 2026 6:29 pm
જામનગર (Jamnagar) શહેરમાં અચાનક વાવાઝોડા જેવી સ્થિતિ સર્જાઈ હતી. તેજ ગતિએ ફૂંકાયેલા પવનને કારણે અનેક મકાનોના છાપરાઓ હવામાં ઉડ્યા હતા અને રસ્તાઓ પર હોર્ડિંગ્સ (Hoardings) તથા વૃક્ષો (Trees) ધરાશાયી થયા હતા. પશ્ચિમ કચ્છના મુંદ્રા (Mundra) પંથકમાં પણ ગાજવીજ સાથે માવઠું પડતા વીજ પુરવઠો (Power Supply) ઠપ થઈ ગયો હતો.
કચ્છમાં અસહ્ય ગરમી બાદ વાતાવરણમા ઠંડક
— Gujarat First (@GujaratFirst) March 19, 2026
ભુજમાં ધીમીધારે વરસાદી ઝાપટા વરસ્યા
અબડાસા તાલુકાના ગ્રામ્ય વિસ્તારમાં વરસાદ #Kutch #Bhuj #KutchWeather #RainInKutch #GujaratWeather #Abadasa #Naliya #NarayanSarovar #ClimateChange #GujaratFirst pic.twitter.com/qOGP66Q0KD
જૂનાગઢમાં કરા પડ્યા અને મોરબીમાં દરિયો તોફાની બન્યો
March 19, 2026 6:29 pm
જૂનાગઢ (Junagadh) ના ભેસાણ (Bhesan) પંથકમાં તો બરફના કરા (Hailstones) સાથે વરસાદ પડ્યો હતો. જૂનાગઢ શહેરના ઝાંઝરડા રોડ (Zanzarda Road) પર રામનવમી (Ram Navami) ની સ્વાગત કમાન ધરાશાયી થઈ હતી, જોકે સદનસીબે કોઈ જાનહાનિ થઈ નથી. બીજી તરફ, મોરબી (Morbi) ના નવલખી બંદર (Navlakhi Port) પાસે દરિયામાં ભારે કરંટ (Current in Sea) જોવા મળ્યો હતો અને દરિયો તોફાને ચડ્યો હતો.
Morbi | અચાનક ભારે પવનના સુસવાટા વચ્ચે માવઠાએ મુશ્કેલી વધારી | Gujarat First
— Gujarat First (@GujaratFirst) March 19, 2026
ક્યાંક વૃક્ષો તો ક્યાંક સોલાર પેનલોને નુકસાન
હળવદમાં મોડી રાત્રે ફૂંકાયેલા ભારે પવનના પગલે વૃક્ષો ધરાશાયી
ભારે પવનના કારણે રણમલપુર રોડ પર 4 વૃક્ષ ધરાશાયી
હળવદ શહેરમાં અને માલણીયાદમાં હોર્ડિગ્સ પણ… pic.twitter.com/rXzemLFvX1
ખેતીના પાકને ભારે નુકસાનની ભીતિ
March 19, 2026 6:29 pm
આ માવઠાને કારણે સૌથી વધુ ચિંતા ખેડૂતો (Farmers) માં જોવા મળી રહી છે. ખેતરોમાં તૈયાર થયેલા કલોંજી (Nigella), ધાણા (Coriander) અને અન્ય શાકભાજી (Vegetables) ના પાકમાં ભારે નુકસાન જવાની ભીતિ છે. ખેડૂતો પોતાના તૈયાર પાકને બચાવવા માટે ભારે મહેનત કરી રહ્યા છે, પરંતુ પવનની ગતિ વધુ હોવાથી મુશ્કેલી વધી છે.