Jamnagar: 'અમને ચોખ્ખું પાણી આપો', રોગચાળા વચ્ચે નળમાંથી ગંદુ પાણી આવતાં મહિલાઓનો ઉગ્ર વિરોધ!
Jamnagar: રોગચાળો વકરતા જી.જી. હોસ્પિટલ અત્યારે દર્દીઓથી છલકાઈ છે. આ ગંભીર સ્થિતિ વચ્ચે પટેલ કોલોનીમાં ગટર મિશ્રિત પાણી આવતા મહિલાઓએ હોબાળો મચાવ્યો છે. પીવાના શુદ્ધ પાણી માટે તંત્રને આજીજી કરી રહેલી મહિલાઓએ તંત્રની કામગીરી સામે સવાલો ઉઠાવ્યા છે. તબીબોએ રોગચાળાથી બચવા ગરમ પાણી અને પૌષ્ટિક આહાર લેવાની સલાહ આપી છે.
Advertisement
- Jamnagar: ફાટી નીકળેલા રોગચાળા વચ્ચે ગંદા પાણીની ફરિયાદ
- પટેલ કોલોની વિસ્તારની મહિલાઓએ એકત્ર થઈ રોષ વ્યક્ત કર્યો
- નળ વાટે આવતા પાણી સાથે ગટરનું પાણી મિશ્ર થતુ હોવાની ફરિયાદ
Jamnagar: હાલ જામનગર શહેર અને જિલ્લામાં રોગચાળાએ ભરડો લીધો છે, ત્યારે વહીવટી તંત્રની ઘોર બેદરકારી સામે આવી રહી છે. એક તરફ હોસ્પિટલ દર્દીઓ (Patients) થી ઉભરાઈ રહી છે, તો બીજી તરફ શહેરના પોશ ગણાતા પટેલ કોલોની વિસ્તાર (Patel Colony area) માં નળમાંથી ગંદા અને ગટરના મિશ્રણવાળા પાણીની સપ્લાય થતા સ્થાનિક રહીશોમાં ભારે રોષ જોવા મળી રહ્યો છે. આજે મોટી સંખ્યામાં મહિલાઓએ એકત્ર થઈ મહાનગરપાલિકા સામે પોતાનો આક્રોશ ઠાલવ્યો છે.
