Gram Panchayat Elections Gir Somnath: વેવાણ વર્સિસ વેવાણનો આ અનોખો મુકાબલો

ગામના વિકાસના મુદ્દાને લઈને જ આમને સામને આવ્યા

જુના ઉગલામાં રહેતી બંને વેવાણ ગામના વિકાસના મુદ્દાને લઈને જ આમને સામને આવ્યા છે. એક તરફ વર્તમાન સરપંચનો જ પરિવાર છે, જે છેલ્લા 10 વર્ષથી ગામમાં શાસન કરી રહ્યો છે. તેમણે દાવો કર્યો છે કે તેમણે ગામનો સર્વાંગી વિકાસ કર્યો છે. ગામમાં રોડ-રસ્તા, પાણી, લાઈટ જેવી પ્રાથમિક સુવિધાઓ પૂરી પાડી છે, જેના કારણે ગ્રામજનો તેમને જ મત આપશે. જ્યારે સામા પક્ષે તેમના જ વેવાણ સરપંચ પદ માટે ઉભા રહ્યા છે, તેમનું કહેવું છે કે તેમણે વિકાસ નથી કર્યો, જેથી તે વિકાસ કરવા માંગે છે. સરપંચના પદ માટે વેવાણ અને તેમના પરિવારજનો સામ-સામે આક્ષેપ પ્રતિઆક્ષેપ કરી રહ્યાં છે.

ગામ લોકો પણ આ ચૂંટણીમાં નવા-જુની કરવાના મુડમાં

ધારાસભ્યની ચૂંટણી હોય તેમ બંને વેવાણ ગામના વિકાસના મુદ્દાઓને લઈને જ ચૂંટણી લડી રહ્યાં છે. ગામ લોકો પણ આ ચૂંટણીમાં નવા-જુની કરવાના મુડમાં જોવા મળી રહ્યાં છે. ગામ લોકો ખાસ કરીને યુવા ટીમને ચૂંટવાના મુડમાં જોવા મળી રહ્યાં છે. ગામ લોકો કહે છે કે જે ગામનો સાચો વિકાસ કરે તેવાને મત આપીશું. હવે જોવુ એ રહ્યું કે ગ્રામજનો કોના શિરે સરપંચ પદનો તાજ પહેરાવે છે.

આ પણ વાંચો: Ahmedabad plane crash: અમદાવાદ વિમાન દુર્ઘટનામાં અત્યાર સુધીમાં 223 મૃતકોના DNA મેચ