Junagadh News: યુવાને ટાવર પર ચઢીને મચાવ્યો હોબાળો, કલાકો પછી માંડ માંડ કરાયું રેસ્ક્યૂ
- Junagadh ના કેશોદમાં યુવાન ટાવર પર ચડ્યો
- યુવાન ટાવર પર ચડતા સમગ્ર વિસ્તારમાં હોબાળો
- યુવાનને નીચે ઉતારવા લોકોએ અનેક પ્રયાસ કર્યા
- યુવાન નીચે ન ઉતરતા પોલીસને જાણ કરાઈ
Junagadh: જૂનાગઢ (Junagadh) જિલ્લાના કેશોદ શહેરમાં ગત મોડી સાંજે એક યુવાને મોબાઈલ ટાવર પર ચઢી જઈને ભારે હોબાળો મચાવ્યો હતો. ટાવર પર ચઢેલા યુવાનની જાણ થતાં જ લોકોના મોટા ટોળા ઘટનાસ્થળે ઉમટી પડ્યા હતા.
Junagadh માં યુવાન મોબાઈલ ટાવર પર ચઢી જતાં દોડધામ
પ્રાપ્ત વિગતો અનુસાર, કોઈ અગમ્ય કારણોસર એક યુવાન અચાનક મોબાઈલ ટાવર (Mobile Tower) પર છેક ઉપર સુધી ચઢી ગયો હતો. આસપાસના લોકોએ તેને નીચે ઉતરવા માટે અનેક વિનંતીઓ અને પ્રયાસો (Efforts) કર્યા હતા, પરંતુ યુવાન નીચે ઉતરવા તૈયાર નહોતો. મામલો ગંભીર જણાતા સ્થાનિકોએ તાત્કાલિક પોલીસ (Police) અને ફાયર બ્રિગેડને (Fire Brigade) જાણ કરી હતી.
પોલીસ અને ફાયર બ્રિગેડે સફળતાપૂર્વક કર્યું રેસ્ક્યુ
ઘટનાની ગંભીરતા જોઈ કેશોદ પોલીસ અને ફાયર ફાઈટરોની ટીમ તાત્કાલિક સ્થળ પર પહોંચી ગઈ હતી. ફાયર બ્રિગેડની ટીમે જરૂરી સાધનો સાથે ટાવર પર ચઢીને યુવાનને સુરક્ષિત રીતે નીચે ઉતારવા માટે રેસ્ક્યૂ ઓપરેશન (Rescue Operation) શરૂ કર્યું હતું. ભારે જહેમત અને સમજાવટ બાદ યુવાનને સફળતાપૂર્વક નીચે ઉતારવામાં આવ્યો હતો, જેના પગલે તંત્ર અને સ્થાનિકોએ રાહતનો શ્વાસ લીધો હતો.
તપાસનો ધમધમાટ શરુ
યુવાન શા માટે ટાવર પર ચઢ્યો હતો અને તેની પાછળ કોઈ પારિવારિક વિવાદ (Family Dispute) કે અન્ય કોઈ માનસિક તણાવ હતો કે કેમ, તે દિશામાં કેશોદ પોલીસે તપાસ (Investigation) હાથ ધરી છે. હાલ યુવાનને સુરક્ષિત રીતે તેના પરિવારને સોંપવાની તજવીજ હાથ ધરવામાં આવી છે.
આ પણ વાંચો: NEET 2026 Leak બાદ પરીક્ષા રદ: ફરી લેવાશે પરીક્ષા, CBI કરશે તપાસ