Junagadh Congress News: જિલ્લા પ્રમુખ અમિત પટેલ પર ચૂંટણી ફંડના લાખો રૂપિયા ચાઉં કરી જવાનો આક્ષેપ

Junagadh જિલ્લા કોંગ્રેસ પ્રમુખ અમિત પટેલ સામે આરોપ

મળતી માહિતી મુજબ, ધીરુભાઈ કુંભાણીએ આ અંગે 10 જૂનના રોજ પ્રદેશ કોંગ્રેસ પ્રમુખને એક સત્તાવાર પત્ર લખીને ફરિયાદ કરી છે. આ પત્રમાં આક્ષેપ કરવામાં આવ્યો છે કે સ્થાનિક સ્વરાજ્યની ચૂંટણી દરમિયાન પાર્ટી દ્વારા દરેક તાલુકા માટે 25-25 હજાર રૂપિયાનું ફંડ ફાળવવામાં આવ્યું હતું. આ સમગ્ર ફંડની રકમ જિલ્લા પ્રમુખ અમિત પટેલના ખાતામાં જમા કરાવવામાં આવી હતી.

ગંભીર આક્ષેપોથી રાજકારણ ગરમાયું

આક્ષેપ છે કે, જિલ્લાના કુલ નવ તાલુકાઓ પૈકી ચાર તાલુકાના ફાળવાયેલા આ ફંડના નાણાં તાલુકા પ્રમુખો સુધી પહોંચાડવાને બદલે અમિત પટેલે પોતાની પાસે રાખી લીધા છે અને તેનો અંગત ઉપયોગ કર્યો છે. પક્ષના ફંડના નાણાંમાં આ પ્રકારની ગોલમાલ થતા જિલ્લા કોંગ્રેસના અન્ય આગેવાનોમાં રોષ જોવા મળી રહ્યો છે. ધીરુભાઈ કુંભાણીએ લેખિત ફરિયાદ કરતા હવે જૂનાગઢ કોંગ્રેસમાં આંતરિક યુદ્ધ ફરી એકવાર ચરમસીમાએ પહોંચ્યું છે. આ ગંભીર આક્ષેપો બાદ હવે પ્રદેશ મોવડી મંડળ શું પગલાં લે છે, તે જોવું રહ્યું.

આ પણ વાંચો:  Operation Childhood Freedom: 14 દિવસમાં 84 બાળમજૂરોને મુક્ત કરાવ્યાં, 26 લોકો સામે નોંધાયા કેસ