junagadh Divya Savlani News : સોશિયલ મીડિયા પ્લેટફોર્મ પર જાણીતા ઇન્ફ્લુએન્સર દિવ્યા સાવલાણી (Divya Savlani)અને વિવાદિત લેડી ડોન તરીકે ઓળખાતી કિર્તી પટેલ(Kirti Patel) સહિત પાંચ લોકો સામે નોંધાયેલા 20 લાખની ખંડણીના કેસમાં નવો વળાંક આવ્યો છે. એક દિવસના પોલીસ રિમાન્ડ પૂર્ણ થતા આજે દિવ્યા સાવલાણીને ફરી કોર્ટમાં રજૂ કરવામાં આવશે.
junagadh ખંડણી કેસમાં દિવ્યા સાવલાણી (Divya Savlani) ને કોર્ટમાં કરાશે રજૂ
આ સમગ્ર મામલાની શરૂઆત અશરફ સીડા (Ashraf Sida) નામની વ્યક્તિ દ્વારા નોંધાવવામાં આવેલી ફરિયાદથી થઈ હતી. અશરફનો આરોપ છે કે દિવ્યા સાવલાણી, કિર્તી પટેલ, જશપાલસિંહ (Jaspalsinh), હનુ રાણાભાઈ ચાવડા (Hanu Ranabhai Chavda) અને વીરમ ચોથાભાઈ મેવાડા (Viram Chothabhai Mevada) દ્વારા તેને માનસિક ત્રાસ આપવામાં આવતો હતો.
અશરફ પાસે 20 લાખની ખંડણી માંગી હતી
ફરિયાદ મુજબ, આ ટોળકીએ અશરફ પાસે 20 લાખની ખંડણી માંગી હતી અને જો પૈસા ન આપે તો તેને દુષ્કર્મના ખોટા કેસમાં ફસાવી દેવાની તેમજ જાનથી મારી નાખવાની ધમકી આપી હતી. આ ત્રાસથી કંટાળીને અશરફ સીડાએ આત્મહત્યાનો પ્રયાસ કર્યો હતો, જેના આધારે પોલીસે ગુનો દાખલ કર્યો હતો.
![junagadh Divya Savlani News- Gujarat first2]()
આ પણ વાંચો : Junagadh: સૂરજ ભુવાજીના ઈશારે અમને ફસાવાયા, હોસ્પિટલના બિછાનેથી દિવ્યા સાવલાણીના પોલીસ પર ગંભીર આક્ષેપો
દિવ્યા સાવલાણીનો હાઈવોલ્ટેજ ડ્રામા અને આક્ષેપો
પોલીસ ફરિયાદ નોંધાયા બાદ આરોપી દિવ્યા સાવલાણીએ પણ ઝેરી દવા પીને આપઘાતનો પ્રયાસ કર્યો હતો. તેને સારવાર માટે જૂનાગઢ સિવિલ હોસ્પિટલમાં ખસેડવામાં આવી હતી. જોકે, પોલીસે આ ઘટનાને 'નાટકીય ડ્રામા' ગણાવ્યો હતો. હોસ્પિટલના બિછાનેથી દિવ્યાએ પોલીસ તંત્ર પર ગંભીર સવાલો ઉઠાવ્યા હતા.
તપાસ વિના કાર્યવાહી: દિવ્યાએ આક્ષેપ કર્યો કે પોલીસે પ્રાથમિક તપાસ કર્યા વગર જ માત્ર કિર્તી પટેલના નામનો ઉપયોગ કરીને દબાણ હેઠળ ગુનો નોંધ્યો છે.
મોટા માથાના ઈશારે ખેલ:દિવ્યાએ દાવો કર્યો કે સૂરજ ભુવાજી (Suraj Bhuvaji) અને અન્ય વગદાર લોકોના ઈશારે તેમને હેરાન કરવામાં આવી રહ્યા છે.
ફરિયાદીના ચરિત્ર પર સવાલ: દિવ્યાએ વળતો પ્રહાર કરતા કહ્યું કે અશરફ સીડા પોતે અનેક દીકરીઓની જિંદગી બગાડી ચૂક્યો છે અને તેની પાસે તેના પુરાવા પણ છે.
![junagadh Divya Savlani News- Gujarat first2]()
આજે રિમાન્ડની અવધિ પૂર્ણ થતા તેને ફરીથી મેજિસ્ટ્રેટ સમક્ષ હાજર કરવામાં આવશે
હોસ્પિટલમાંથી રજા મળ્યા બાદ તાલુકા પોલીસે દિવ્યાની અટકાયત કરી હતી અને કોર્ટે તેના એક દિવસના રિમાન્ડ મંજૂર કર્યા હતા. આજે રિમાન્ડની અવધિ પૂર્ણ થતા તેને ફરીથી મેજિસ્ટ્રેટ સમક્ષ હાજર કરવામાં આવશે. હવે જોવાનું એ રહેશે કે કોર્ટ તેને જામીન પર મુક્ત કરે છે કે સાબરમતી જેલના હવાલે કરે છે.
આ પણ વાંચો : Kirti Patel News : વિવાદોની ક્વીન કીર્તિ પટેલ આજે પોલીસ સમક્ષ થશે હાજર, ધરપકડની લટકતી તલવાર?
