Girnar Controversy Junagadh: ગિરનારની ચોથી ટુંક પર ધ્વજાનો વિવાદ, જૈન અગ્રણી ઝડપાયા
- Girnar Controversy Junagadh: ચોથી ટુંક પર ઝંડાનો વિવાદ વકર્યો!
- ભવનાથ પોલીસે જૈન અગ્રણી અનુરાગ નૈમીનાથની કરી અટકાયત
- સોમનાથ બાપુની ફરિયાદના આધારે પોલીસે હાથ ધરી કાર્યવાહી
- ઓઘડ ટુંક પર ધાર્મિક ચિન્હ લગાવવા બાબતે થયો હતો વિખવાદ
- બે સમુદાયો વચ્ચે વૈમનસ્ય ફેલાવવાના આરોપ હેઠળ એક્શન
Girnar Controversy Junagadh : સૌરાષ્ટ્રના સુપ્રસિદ્ધ યાત્રાધામ અને પવિત્ર ગિરનાર પર્વત (Girnar Mountains) પર ફરી એકવાર ધાર્મિક વિવાદ વકર્યો છે. ગિરનારની ચોથી ટુંક પર ઝંડો (Flag Controversy) લગાવવા બાબતે સર્જાયેલા વિવાદમાં જૂનાગઢની ભવનાથ પોલીસે (Bhavnath Police) મોટી કાર્યવાહી કરતા જૈન સંપ્રદાયના અનુરાગ નૈમીનાથ જૈનની અટકાયત કરી છે. આ કાર્યવાહીને પગલે સમગ્ર જૂનાગઢ અને ધાર્મિક વર્તુળોમાં ભારે ચર્ચા જાગી છે.
Girnar Controversy Junagadh : શું છે સમગ્ર વિવાદ?
ગિરનાર પર્વતની ચોથી ટુંક, જે 'ઓઘડ ટુંક' (Oghad Peak) તરીકે પણ ઓળખાય છે, તે વર્ષોથી નાથ સંપ્રદાય (Nath Sampraday) સાથે સંકળાયેલી હોવાનું માનવામાં આવે છે. વિવાદ ત્યારે શરૂ થયો જ્યારે આ ટુંક પર ચોક્કસ રીતે ઝંડો લગાવવાના મામલે બે સમુદાયો વચ્ચે મતભેદો સર્જાયા. આ બાબતે સોમનાથ બાપુએ (Somnath Bapu) ગત 8 ફેબ્રુઆરી 2026ના રોજ ભવનાથ પોલીસ સ્ટેશનમાં લેખિત ફરિયાદ નોંધાવી હતી. ફરિયાદમાં આક્ષેપ કરવામાં આવ્યો હતો કે, ચોક્કસ વ્યક્તિઓ દ્વારા ધાર્મિક લાગણી દુભાવવા અને વૈમનસ્ય ફેલાવવાનો પ્રયાસ કરવામાં આવી રહ્યો છે.
જૂનાગઢ ગિરનાર પર્વતની ચોથી ટુંક પર ઝંડો લગાવવાનો વિવાદ
જૈન સંપ્રદાયના અનુરાગ નૈમીનાથ જૈનની ભવનાથ પોલીસે કરી અટકાયત
8 ફેબ્રુઆરી 2026ના રોજ સોમનાથ બાપુએ ફરિયાદ નોંધાવી હતી
ચોથી ટુંક ઓઘડ ટુંક તરીકે નાથ સંપ્રદાય સાથે સંકળાયેલી
બે સમુદાયો વચ્ચે વૈમનસ્ય ફેલાવવાના આરોપ સાથે કાર્યવાહી… pic.twitter.com/bmKZCcxsxW— Gujarat First (@GujaratFirst) February 23, 2026
પોલીસ કાર્યવાહી અને તપાસ
સોમનાથ બાપુની ફરિયાદના આધારે પોલીસે તપાસનો ધમધમાટ શરૂ કર્યો હતો. તપાસમાં સામે આવ્યું હતું કે અનુરાગ નૈમીનાથ જૈન દ્વારા કરવામાં આવેલી પ્રવૃત્તિઓથી બે સમુદાયો વચ્ચે વૈમનસ્ય ફેલાઈ શકે તેમ છે. કાયદો અને વ્યવસ્થા જાળવવા માટે ભવનાથ પોલીસે તેની અટકાયત કરી છે. પોલીસના જણાવ્યા અનુસાર, ગિરનાર જેવા પવિત્ર સ્થળે શાંતિ જળવાઈ રહે અને કોઈ પણ પ્રકારની અપ્રિય ઘટના ન બને તે માટે આ પગલું લેવામાં આવ્યું છે.
સુરક્ષા વ્યવસ્થા બનાવાઈ સઘન
આ ઘટના બાદ ગિરનાર પર્વત પર સુરક્ષા વ્યવસ્થા પણ સઘન બનાવી દેવામાં આવી છે. હાલમાં પોલીસ દ્વારા આ મામલે વધુ પૂછપરછ અને પુરાવાઓ એકત્ર કરવાની કામગીરી ચાલી રહી છે. સ્થાનિક વહીવટી તંત્ર પણ પરિસ્થિતિ પર ઝીણવટભરી નજર રાખી રહ્યું છે જેથી ધાર્મિક એખલાસ જળવાઈ રહે.
આ પણ વાંચો : STUDIO ON WHEELS: Junagadh Mahashivratri Mela ભવનાથમાં લોકગાયક Paresh Vadiya સાથે ખાસ વાતચીત