જૂનાગઢ શહેરમાં સોશિયલ મીડિયા સ્ટાર કીર્તિ પટેલ (Kirti Patel) ફરી એકવાર વિવાદોમાં સપડાઈ છે. જૂનાગઢ પોલીસ દ્વારા કીર્તિ પટેલ વિરુદ્ધ ત્રીજો ગુનો દાખલ કરવામાં આવતા ખળભળાટ મચી ગયો છે. આ મામલે માત્ર કીર્તિ જ નહીં, પરંતુ તેની સાથીદાર દિવ્યા સાવલાણી (Divya Savlani) સામે પણ ગુનો નોંધવામાં આવ્યો છે. આ ઘટનાએ ત્યારે ગંભીર વળાંક લીધો જ્યારે દિવ્યા સાવલાણીએ ઝેરી દવા ગટગટાવી આત્મહત્યા કરવાનો પ્રયાસ કર્યો હતો.
Kirti Patel સહિત તેની સાથી દિવ્યા પર ફરિયાદ થઈ છે
દિવ્યા સાવલાણીએ ઝેરી દવા પીતા પૂર્વે પોતાનો એક વીડિયો શૂટ કર્યો હતો, જે તેણે સોશિયલ મીડિયા (Social Media) પ્લેટફોર્મ પર અપલોડ કર્યો હતો. આ વીડિયો વાયરલ (Viral Video) થતાં જ સમગ્ર પંથકમાં ચકચાર મચી ગઈ હતી. વીડિયોમાં દિવ્યા માનસિક દબાણમાં હોવાનું જણાયું હતું. ઝેરી દવા પીધા બાદ તેની તબિયત લથડતા તેને તાત્કાલિક જૂનાગઢની હોસ્પિટલમાં (Junagadh Hospital) સારવાર અર્થે ખસેડવામાં આવી છે, જ્યાં હાલ તેની સારવાર ચાલી રહી છે.
ગંભીર આરોપો અને પોલીસ કાર્યવાહી
પોલીસ ફરિયાદ અનુસાર, કીર્તી પટેલ અને દિવ્યા સાવલાણી પર ખંડણી (Extortion) માંગવાનો અને નિર્દોષ વ્યક્તિને બળાત્કારના (Rape Case) ખોટા કેસમાં ફસાવવાનો ગંભીર આરોપ છે. અગાઉ ફરિયાદી અફઝલ સીડા (Afzal Sida) નામના વ્યક્તિએ પણ આ રીતે જ ઝેરી દવા પીને આત્મહત્યાનો પ્રયાસ કર્યો હતો. જે બાદ દિવ્યાનું ફરિયાદમાં નામ આવતાં તેણે પણ આપઘાતનો પ્રયાસ કર્યો છે. પોલીસે બંને મહિલાઓ સામે કાયદેસરની કલમો હેઠળ ગુનો નોંધી તપાસનો ધમધમાટ તેજ કર્યો છે.
ષડયંત્ર અને પરિવારની ચિંતા
દિવ્યા સાવલાણીએ આરોપ લગાવ્યો છે કે અફઝલ સીડાના (Afzal Sida) ઈશારે પોલીસ દ્વારા તેની સામે ખોટો ગુનો નોંધવામાં આવ્યો છે. તેણે ભાવુક થઈને જણાવ્યું હતું કે, "અફઝલને તો કંઈ નથી, પણ મારો પરિવાર (Family) છે." તેણે પોતાની નિર્દોષતાનો દાવો કરતા કહ્યું કે તેને ફસાવવામાં આવી રહી છે. હાલ જૂનાગઢ પોલીસ (Junagadh Police) આ કેસમાં કીર્તિ પટેલ અને દિવ્યાની સંડોવણી તેમજ અફઝલ સીડા સાથેના વિવાદના મૂળ સુધી પહોંચવા પ્રયાસ કરી રહી છે.
20 લાખની ખંડણી માગ્યાનો આરોપ
એક મુસ્લીમ યુવક અફઝલ સીડા કીર્તિ પટેલની હરકત સામેનો વીડિયો વાયરલ કર્યો હતો. જે બાદ કીર્તી પટેલ અને તેના મળતિયાઓએ યુવકને વીડિયો હટાવવા દબાણ કર્યું હતુ. સાથે જ બળાત્કારના ખોટા કેસમાં ફસાવી દેવાની ધમકી આપી હતી. આરોપ છે કે આ કેસમાં સમધાન માટે કીર્તી પટેલે 20 લાખની ખંડણી પણ માંગી હતી. કંટાળેલા અફઝલ સીડાએ જેતપુર નજીક ફીનાઈલ પી આપઘાતનો પ્રયાસ કરતાં સારવાર અર્થે ખસેડવો પડ્યો છે. જે બાદ ઉદ્યોગનગર પોલીસે પાંચ વ્યક્તિ સામે ગુનો નોંધ્યો છે. જેમાં કીર્તિ પટેલ સાથે સાથે દિવ્યા સાવલાણી (Divya Savlani) નું નામ આવ્યું છે. આ કેસમાં જશપાલસિંહ (Jashpalsinh), હનુ ચાવડા (Hanu Chavda) અને વિરમ મેવાડા (Viram Mevada) નામના યુવકનો પણ સમાવેશ થાય છે.
આ પણ વાંચોઃ દુષ્કર્મના કેસમાં ફસાવવાની ધમકી આપી 20 લાખ માંગ્યા, Kirti Patel ના ત્રાસથી યુટ્યુબરે પીધું ફિનાઈલ!
આ પણ વાંચોઃ Ahmedabad: DJ વગાડવા બાબતે લગ્નમાં પથ્થરમારો! શું જાન લીલા તોરણે પાછી ગઈ?
