Junagadh News: જૂનાગઢમાં 6 માસના બાળસિંહનો મૃતદેહ મળ્યો, તપાસ શરુ

શું છે સમગ્ર મામલો?

મળતી માહિતી મુજબ, ગત રાતથી જ એક સિંહ બાળ ગુમ હોવાની જાણ થતા વન વિભાગ દ્વારા ગુપ્ત રીતે સર્ચ ઓપરેશન શરૂ કરવામાં આવ્યું હતું. વન વિભાગની ટીમો આખી રાત સિંહ બાળની શોધખોળમાં જોડાયેલી રહી હતી. દરમિયાન, આજે વહેલી સવારે વાણંદ સોસાયટી નજીકના વિસ્તારમાંથી આ સિંહ બાળનો મૃતદેહ મળી આવ્યો હતો.

પોસ્ટમોર્ટમ બાદ સ્પષ્ટ થશે મોતનું કારણ

સિંહ બાળના મૃતદેહને તાત્કાલિક અસરથી સક્કરબાગ પ્રાણી સંગ્રહાલય ખાતે ખસેડવામાં આવ્યો છે. હાલમાં પેનલ તબીબો દ્વારા સિંહ બાળના મૃતદેહનું પોસ્ટમોર્ટમ કરવાની કાર્યવાહી શરૂ કરવામાં આવી છે.

વન વિભાગના અધિકારીઓના જણાવ્યા અનુસાર, સિંહ બાળના શરીર પર જે રીતે ઈજાના નિશાન જોવા મળ્યા છે, તે જોતા હાલમાં બે શક્યતાઓ તપાસાઈ રહી છે.

ઇનફાઇટ (અંદરોઅંદરની લડાઈ): અન્ય કોઈ વન્યપ્રાણી કે સિંહ સાથેની લડાઈમાં સિંહ બાળનું મોત થયું હોઈ શકે છે.

અન્ય કારણ: શું કોઈ અન્ય પરિબળ જવાબદાર છે, તે પોસ્ટમોર્ટમ રિપોર્ટ આવ્યા બાદ જ સ્પષ્ટ થશે.

આ ઘટનાને પગલે વન વિભાગ એલર્ટ મોડ પર આવી ગયું છે અને આસપાસના વિસ્તારમાં મોનિટરિંગ વધારી દેવામાં આવ્યું છે.

આ પણ વાંચો:  Ambalal Patel Rain Forecast: ગ્રહોની સ્થિતિ બદલાતા ગુજરાતમાં જામશે વરસાદી માહોલ, જાણો અંબાલાલ પટેલે શું કહ્યું?