Junagadh News: સિંહ બાળની ક્રૂર હત્યા કરનાર આરોપી બાવન ચાવડા જ્યુડિશિયલ કસ્ટડીમાં, જાણો અત્યાર સુધીમાં શું ખુલાસા થયા

શું હતી સમગ્ર ઘટના?

ઘટનાની વિગત મુજબ, આરોપી બાવન ચાવડાએ સિંહ બાળની નિર્દયતાથી હત્યા કરી હતી અને તેના મૃતદેહને પોતાના નેસ નજીકના ઝાડી-ઝાંખરામાં ફેંકી દીધો હતો. હત્યા બાદ આરોપી ફરાર થઈ ગયો હતો. જોકે, વન વિભાગની સંયુક્ત ટીમે ટેકનિકલ સર્વેલન્સ અને બાતમીના આધારે પોરબંદર જિલ્લામાંથી આરોપીને દબોચી લીધો હતો. બાદમાં વન વિભાગે ઘટનાસ્થળે આરોપીને લઈ જઈને સમગ્ર ઘટનાનું રિકન્સ્ટ્રક્શન (ઘટનાનું પુનરાવર્તન) કરાવ્યું હતું.

માનસિક રીતે વિકૃત અને ક્રૂર આરોપી

તપાસ દરમિયાન એવું સામે આવ્યું છે કે બાવન ચાવડા માનસિક રીતે વિકૃત છે. અગાઉ પણ તેણે અનેક શ્વાનો અને સાપ જેવા જીવોને મોતને ઘાટ ઉતાર્યા હોવાનું બહાર આવ્યું છે. વન્ય પ્રાણીઓ પ્રત્યે તેની ક્રૂરતા અને હત્યા પાછળના ચોક્કસ કારણો જાણવા માટે વન વિભાગ તપાસ કરી રહ્યું છે. સિંહ બાળની હત્યા સમયે આરોપી એકલો હતો કે તેની સાથે અન્ય કોઈ ઈસમો પણ સામેલ હતા, તે દિશામાં વન વિભાગ વધુ ઊંડાણપૂર્વક તપાસ હાથ ધરી રહ્યું છે.

આ પણ વાંચો: Ahmedabad Plasma Scam: પ્લાઝમા કૌભાંડ મામલે અમદાવાદ ગ્રામ્ય પોલીસનો મોટો ખુલાસો, મહારાષ્ટ્રની 8 બ્લડ બેંક સાથે કનેક્શન