Junagadh News: માંગરોળમાં અકસ્માત નહીં પણ હત્યાનો પ્રયાસ! હચમચાવતાં CCTV ફૂટેજ આવ્યા સામે

સીસીટીવીએ ખોલી પોલ

સામે આવેલા સીસીટીવી ફૂટેજમાં સ્પષ્ટ જોઈ શકાય છે કે, એક બાઈક પર બે યુવાનો જઈ રહ્યા છે અને પાછળથી પૂરઝડપે આવતી એક ગાડીએ તેમને અડફેટે લીધા છે.  આ હુમલામાં બંને યુવાનો ગંભીર રીતે ઈજાગ્રસ્ત થયા છે, જેમને પ્રાથમિક સારવાર બાદ વધુ તપાસ અને સારવાર માટે જૂનાગઢની હોસ્પિટલમાં ખસેડવામાં આવ્યા છે.

 પ્રેમ પ્રકરણમાં હત્યાનો પ્રયાસ!

પ્રાથમિક તપાસમાં આ ઘટના પાછળ પ્રેમ પ્રકરણ જવાબદાર હોવાની આશંકા વ્યક્ત કરવામાં આવી છે.  આક્ષેપ છે કે યુવતીના મામાએ અકસ્માત સર્જીને યુવાનને જાનથી મારી નાખવાનો પ્રયાસ કરાયો હોવાનો ગંભીર આક્ષેપ થયો છે.

પોલીસની કડક કાર્યવાહી

આ સમગ્ર મામલે માંગરોળ પોલીસે આરોપી વિરુદ્ધ આઈપીસીની કલમ 307 (હત્યાનો પ્રયાસ) હેઠળ ગુનો નોંધીને કાયદેસરની કાર્યવાહી શરૂ કરી છે. પોલીસ હાલ આ હુમલા પાછળ ખરેખર પ્રેમ પ્રકરણ જવાબદાર છે કે અન્ય કોઈ કારણ, તે દિશામાં ઊંડાણપૂર્વક તપાસ કરી રહી છે. આ બનાવથી સમગ્ર માંગરોળ પંથકમાં ચકચાર વ્યાપી ગઈ છે.

આ પણ વાંચોઃ Junagadh: કોના ઈશારે ઓઝત નદીના ચેકડેમો તોડાયા? વંથલીના ખેડૂતોમાં ભારે આક્રોશ