Junagadh: "પાર્ટી નહીં ગરબા હતા", મેડિકલ કોલેજની DJ પાર્ટી બાદ ડીનનો ખુલાસો

Junagadh Viral Video: પટાંગણમાં યોજાઈ ભવ્ય પાર્ટી

પ્રાપ્ત વિગતો અનુસાર આ ઘટના બે દિવસ પહેલાની હોવાનું માનવામાં આવી રહ્યું છે. જૂનાગઢ મેડિકલ કોલેજના પટાંગણમાં વિદ્યાર્થીઓ દ્વારા એક કાર્યક્રમનું આયોજન કરવામાં આવ્યું હતું. આ પાર્ટીમાં મોટી સંખ્યામાં મેડિકલ સ્ટુડન્ટ્સ (Medical Students) એકઠા થયા હતા અને મોડી રાત સુધી હાઈ-વોલ્યુમ ડીજેના અવાજ પર ડાન્સ કર્યો હતો. વીડિયોમાં જોઈ શકાય છે કે વિદ્યાર્થીઓ મસ્તીમાં મગ્ન છે, પરંતુ આ મસ્તીની પાછળ હોસ્પિટલના નિયમોનું ઉલ્લંઘન થયું હોવાના આક્ષેપ થયા છે.

Junagadh Viral Video: બાજુમાં જ છે હોસ્પિટલ

સૌથી ગંભીર બાબત એ છે કે આ મેડિકલ કોલેજની બિલકુલ બાજુમાં જ જૂનાગઢ જિલ્લાની સરકારી સિવિલ હોસ્પિટલ (Civil Hospital) આવેલી છે. હોસ્પિટલમાં સેંકડો દર્દીઓ ગંભીર બીમારીઓની સારવાર લઈ રહ્યા હોય છે.જેથી આરોપ લાગ્યા છે કે આ પાર્ટીના ઘોઘાટને કારણે દર્દીઓને હાલાકી પડી હોઈ શકે છે.

"આ પાર્ટી નહીં પણ ગરબા હતા"

આ મામલે જ્યારે વિવાદ વધ્યો ત્યારે મેડિકલ કોલેજના ડીન (College Dean) સાથે સંપર્ક કરવામાં આવ્યો હતો. ડીને આ ઘટના અંગે સ્પષ્ટતા કરતા જણાવ્યું હતું કે, આ કોઈ ખાનગી પાર્ટી નહોતી પરંતુ વિદ્યાર્થીઓ માટે ગરબા (Garba) નું આયોજન કરવામાં આવ્યું હતું. તેમણે વધુમાં ઉમેર્યું કે આ કાર્યક્રમ માટે જરૂરી મંજૂરી લેવામાં આવી હતી.

આ પણ વાંચોઃ Kheda: લવ મેરેજ કે ખંડણીનો ખેલ? પાટીદાર યુવતીને ભગાડી જવા મામલે માતાના ગંભીર આક્ષેપો