Junagadh: Kirti Patel બાદ વધુ એક મહિલાની મૃગીકુંડમાં ડુબકી! વીડિયો વાયરલ થતાં..!
- Junagadh: કિર્તી પટેલ બાદ વધુ એક મહિલા અધિકારીનું મૃગીકુંડમાં સ્નાન
- PGVCL ની મહિલા અધિકારીએ મૃગીકુંડમાં લગાવી હતી ડુબકી
- સિવિલ ડ્રેસમાં પી.જી.વરિયા નામની મહિલા અધિકારીની ડુબકી
Junagadh: જૂનાગઢના ભવનાથ તળેટીમાં આવેલા અતિ પવિત્ર મૃગીકુંડ (Mrigi Kund) માં મહિલાના સ્નાન કરવાને લઈને વધુ એક વીડિયો વાયરલ થયો છે. જાણીતી સોશિયલ મીડિયા ઇન્ફ્લુએન્સર કિર્તી પટેલ (Kirti Patel) ના વિવાદ બાદ હવે પશ્ચિમ ગુજરાત વીજ કંપની લિમિટેડ (PGVCL) ના એક મહિલા અધિકારીએ કુંડમાં ડુબકી લગાવતા ચકચાર મચી છે. આ ઘટનાનો વીડિયો સોશિયલ મીડિયામાં વાયરલ થતા ભવનાથના સાધુ-સંતો અને શ્રદ્ધાળુઓમાં ભારે રોષ જોવા મળી રહ્યો છે.
Junagadh: સિવિલ ડ્રેસમાં મહિલા અધિકારીની ડુબકી!
મળતી માહિતી મુજબ PGVCL માં ફરજ બજાવતા મહિલા અધિકારી પી.જી. વરીયા (P.G. Variya) એ મૃગીકુંડની મર્યાદાનો ભંગ કર્યો હોવાના આક્ષેપો થઈ રહ્યા છે. વાયરલ થયેલા વીડિયોમાં જોઈ શકાય છે કે આ મહિલા અધિકારી સિવિલ ડ્રેસમાં છે અને તેઓ જૂનાગઢ મહાનગરપાલિકા (Junagadh Municipal Corporation) ના એક ફાયર કર્મચારી (Fire Staff) નો હાથ પકડીને મૃગીકુંડના પવિત્ર પાણીમાં ડુબકી લગાવી રહ્યા છે. ભવનાથના મહાશિવરાત્રી મેળા (Mahashivratri Mela) દરમિયાન આ કુંડમાં માત્ર સાધુ-સંતોને જ સ્નાન કરવાની પરંપરા છે, ત્યારે સરકારી હોદ્દા પર હોવા છતાં નિયમોનું ઉલ્લંઘન થતા અનેક સવાલો ઉઠી રહ્યા છે.
Junagadh મૃગીકુંડમાં વધુ એક ડુબકીનો વિવાદ !, Kirti Patel બાદ PGVCLની મહિલા અધિકારીએ લગાવી ડુબકી | Gujarat First
કિર્તી પટેલ બાદ વધુ એક મહિલા અધિકારીનું મૃગીકુંડમાં સ્નાન
PGVCLની મહિલા અધિકારીએ મૃગીકુંડમાં લગાવી હતી ડુબકી
સિવિલ ડ્રેસમાં P.G. Varia નામની મહિલા અધિકારીની ડુબકી… pic.twitter.com/z3YqZe75bF— Gujarat First (@GujaratFirst) February 16, 2026
Junagadh: સાધુ-સંતોમાં ભારે રોષ અને કડક કાર્યવાહીની માંગ
મૃગીકુંડમાં મહિલા અધિકારીના સ્નાન બાદ જૂનાગઢના સાધુ-સંતો (Saints and Sages) અત્યંત નારાજ થયા છે. સંતોનું કહેવું છે કે મૃગીકુંડ એ આસ્થાનું કેન્દ્ર છે અને ત્યાં સ્નાન કરવા માટે ચોક્કસ ધાર્મિક પરંપરાઓ અને નીતિ-નિયમો છે. અગાઉ કિર્તી પટેલના કિસ્સામાં પણ ઘણો હોબાળો થયો હતો, છતાં વહીવટી તંત્રની હાજરીમાં આવી ઘટનાઓનું પુનરાવર્તન તંત્રની બેદરકારી સૂચવે છે. સંતોએ આ મામલે તપાસ કરી જવાબદાર અધિકારી સામે કડક પગલાં લેવાની માંગ કરી છે.
આ ઘટના બાદ સ્થાનિક લોકોમાં પણ ચર્ચા જાગી છે કે શું સરકારી અધિકારીઓ માટે નિયમો અલગ છે? ફાયર વિભાગના કર્મચારીએ મહિલા અધિકારીને સ્નાન કરવામાં મદદ કરી તે બાબત પણ વિવાદનું કેન્દ્ર બની છે. હાલમાં આ વીડિયો સમગ્ર ગુજરાતમાં ચર્ચાનો વિષય બન્યો છે અને PGVCL વિભાગ આ મામલે શું સ્પષ્ટતા કરે છે તેના પર સૌની નજર છે.
આ પણ વાંચોઃJayaraj Ahir જૂનાગઢ પહોંચતાં જ તપાસના આદેશ! જાણો શું છે કારણ?
આ પણ વાંચોઃ Studio on Wheels: આફ્રિકાથી આવ્યા ગિરનારની ગોદમાં! 40 વર્ષ બાદ પણ પરેશભાઈની અનોખી શિવભક્તિ!