Junagadh: PM મોદીના 12 વર્ષના સુશાસનની ભવ્ય ઉજવણી, પ્રબુદ્ધ નાગરિક સંમેલનનું આયોજન

ઈન્ફ્રાસ્ટ્રકચર ક્ષેત્રે અભૂતપૂર્વ કામગીરી

સંમેલનમાં સંબોધન કરતા જૂનાગઢના સાંસદ રાજેશભાઈ ચુડાસમાએ જણાવ્યું હતું કે, વડાપ્રધાનના આ 12 વર્ષના કાર્યકાળ દરમિયાન દેશે વિકાસની નવી ઊંચાઈઓ સર કરી છે. આ સમયગાળામાં દેશના ઈન્ફ્રાસ્ટ્રકચર (Infrastructure) ક્ષેત્રે અભૂતપૂર્વ કામગીરી થઈ છે. વધુમાં તેમણે ઉમેર્યું કે, પ્રધાનમંત્રીએ દેશનું અર્થતંત્ર (Economy) મજબૂત બનાવવાની સાથે સીમાડાઓને વધુ સુરક્ષિત બનાવ્યા છે.

ભારતનું નામ વિશ્વમાં ગુંજતું થયું

વક્તાઓએ પ્રધાનમંત્રી દ્વારા લોક કલ્યાણ માટે લેવાયેલા નિર્ણયોની વિસ્તૃત ચર્ચા કરી હતી. જેમાં ખેડૂતોના હિતમાં લેવાયેલા વિવિધ નિર્ણયો અને મહિલા સશક્તિકરણ (Women Empowerment) માટેની અનેક યોજનાઓના અમલીકરણ પર ભાર મૂકવામાં આવ્યો હતો. છેવાડાના માનવી સુધી સરકારી યોજનાઓનો લાભ પહોંચાડવાની નેમ સાથે, ભારતનું નામ આજે સમગ્ર વિશ્વમાં ગુંજતું થયું છે, તેવું સંમેલનમાં ઉપસ્થિત આગેવાનોએ ગૌરવ સાથે જણાવ્યું હતું.

વડાપ્રધાનના વિઝનરી નેતૃત્વની સરાહના

આ કાર્યક્રમમાં રાજ્યસભાના સાંસદ માનસિંગ પરમાર અને જૂનાગઢના ધારાસભ્ય સંજયભાઈ કોરડિયા વિશેષ ઉપસ્થિત રહ્યા હતા. આ ઉપરાંત ભાજપના વિવિધ હોદ્દેદારો અને મોટી સંખ્યામાં કાર્યકરોએ હાજરી આપીને વડાપ્રધાનના વિઝનરી નેતૃત્વની સરાહના કરી હતી. આ સંમેલનનો મુખ્ય ઉદ્દેશ્ય પ્રધાનમંત્રીના જન કલ્યાણના કાર્યો અને ભારતની બદલાતી તસ્વીરથી સામાન્ય નાગરિકોને વાકેફ કરવાનો હતો.

આ પણ વાંચોઃ Junagadh: કોના ઈશારે ઓઝત નદીના ચેકડેમો તોડાયા? વંથલીના ખેડૂતોમાં ભારે આક્રોશ

આ પણ વાંચોઃ Junagadh News: માંગરોળમાં અકસ્માત નહીં પણ હત્યાનો પ્રયાસ! હચમચાવતાં CCTV ફૂટેજ આવ્યા સામે