Junagadh: નાંદરખી ગામે મહિલા સહિત 3 ઈજાગ્રસ્ત, સોશિયલ મીડિયાની પોસ્ટથી હિંસક અથડામણ!
Junagadh: માંગરોળના નાંદરખી ગામે સોશિયલ મીડિયામાં ઉશ્કેરણીજનક મેસેજ વાયરલ થતા એક જ કોમના બે જૂથો વચ્ચે હિંસક અથડામણ થઈ હતી. જાહેરમાં થયેલી આ મારામારીમાં મહિલા સહિત ત્રણ લોકો ગંભીર રીતે ઈજાગ્રસ્ત થતા તેમને જૂનાગઢ સિવિલ હોસ્પિટલ ખસેડાયા છે. શીલ પોલીસે સામસામી ફરિયાદ નોંધી વધુ તપાસ હાથ ધરી છે.
Advertisement
- Junagadh: માંગરોળના નાંદરખી ગામે જૂથ અથડામણ
- નાંદરખી ગામે એક જ કોમના બે જૂથ વચ્ચે અથડામણ
- જાહેરમાં મારામારીના દ્રશ્યો આવ્યા સામે
Junagadh: જિલ્લાના માંગરોળ (Mangrol) તાલુકાના નાંદરખી ગામે (Nandarkhi village) સોશિયલ મીડિયામાં એક ઉશ્કેરણીજનક મેસેજ વાયરલ થયા બાદ મામલો ગંભીર બન્યો છે. અહીં એક જ કોમના બે જૂથો સામસામે આવી જતાં ગામમાં તંગદિલી વ્યાપી ગઈ હતી. આ જૂથ અથડામણમાં લાકડીઓ અને ધારદાર હથિયારો વડે હુમલો કરવામાં આવતા એક મહિલા સહિત કુલ ત્રણ વ્યક્તિઓ ગંભીર રીતે ઈજાગ્રસ્ત થઈ છે.
એક પોસ્ટે કરાવી હિંસક અથડામણ!
પ્રાપ્ત માહિતી અનુસાર નાંદરખી ગામે છેલ્લા થોડા સમયથી સોશિયલ મીડિયા પ્લેટફોર્મ પર કોઈ બાબતે ઉશ્કેરણીજનક મેસેજ અને સ્ટેટસ મુકવામાં આવ્યા હતા. આ મેસેજને લઈને બે જૂથ વચ્ચે મનદુઃખ સર્જાયું હતું. જોતજોતામાં આ બોલાચાલીએ હિંસક સ્વરૂપ ધારણ કરી લીધું હતું. જાહેર માર્ગો પર જ બંને પક્ષના લોકો લાકડીઓ અને અન્ય હથિયારો સાથે એકબીજા પર તૂટી પડ્યા હતા. ધોળે દિવસે જાહેરમાં થયેલી આ મારામારીના દ્રશ્યો સીસીટીવી અને મોબાઈલ કેમેરામાં કેદ થયા છે, જેમાં લોકો ઉશ્કેરાયેલા જોવા મળી રહ્યા છે.