Junagadh: 'તારા કાકા-ભાઈનો મૃતદેહ કારમાં પડ્યો છે' કહી યુવતીનું અપહરણ કર્યું અને પછી..!

• Junagadh: કેશોદમાં અપહરણ અને દુષ્કર્મનો આરોપી ઝડપાયો
• આરોપીએ ખોટા સમાચાર આપી યુવતીને છેતરી હતી
• ફાર્મ હાઉસમાં યુવતી પર વારંવાર દુષ્કર્મ ગુજાર્યું હોવાના આરોપ

Junagadh: જૂનાગઢ જિલ્લાના કેશોદ (Keshod) તાલુકામાં માનવતાને શર્મશાર કરતી ઘટના પ્રકાશમાં આવી છે. જેમાં એક યુવતીને તેના પરિવારજનોના મોત થયાની ખોટી માહિતી આપી, ડરાવી-ધમકાવીને અપહરણ કરી વારંવાર દુષ્કર્મ ગુજારવામાં આવ્યું હતું. કેશોદ પોલીસે (Keshod Police) આ મામલે ત્વરિત કાર્યવાહી કરી આરોપી ભરત ઉર્ફે ભુરો કાંતિભાઈ ચાચીયા (Bharat alias Bhuro Kantibhai Chachiya) ની ધરપકડ કરી છે.

Junagadh: કાકી વચ્ચે પડતાં તેમને માર માર્યો

મળતી જાણકારી અનુસાર કેશોદના પંચાળા (Panchala) ગામનો વતની ભરત ઉર્ફે ભુરો ચાચીયા અગાઉથી જ ગુનાહિત માનસિકતા ધરાવે છે. ભુરાએ પોતાના કાકાના ઘરે આવેલી યુવતીને નિશાન બનાવી હતી. તેણે યુવતીને ઘરની બહાર બોલાવી અત્યંત ગંભીર જુઠ્ઠાણું ચલાવ્યું હતું. આરોપીએ જણાવ્યું કે તેની કારમાં તારા કાકા અને ભાઈનો મૃતદેહ (Dead Body) પડ્યો છે. આ સાંભળી ગભરાઈ ગયેલી યુવતી કાર પાસે ગઈ ત્યારે આરોપીએ તેને બળજબરીપૂર્વક અંદર બેસાડવાનો પ્રયાસ કર્યો હતો. આ સમયે યુવતીના કાકી (Aunt) વચ્ચે પડતા આરોપીએ તેમને માર મારી યુવતીનું અપહરણ (Kidnapping) કર્યું હતું.

Junagadh: ફાર્મ હાઉસમાં અત્યાચાર

આરોપ છે કે અપહરણ કર્યા બાદ આરોપી યુવતીને મઢડા (Madhada) ગામ ખાતે લઈ ગયો હતો. ત્યાં તેણે યુવતીને લગ્નની લાલચ આપી તેના માથામાં બળજબરીથી સિંદૂર પૂરી ફોટા પડાવ્યા હતા જેથી યુવતી તેની જાળમાં ફસાઈ જાય. ત્યારબાદ મેંદરડા (Mendarda) નજીક એક ફાર્મ હાઉસ (Farmhouse) માં લઈ જઈ યુવતી પર અનેકવાર દુષ્કર્મ (Rape) ગુજાર્યું હતું. આરોપીએ યુવતીને ડરાવીને બંધક બનાવી રાખી હતી.

પરિવારને જાનથી મારી નાખવાની ધમકી

થોડા દિવસો સુધી અત્યાચાર ગુજાર્યા બાદ, આરોપીએ યુવતીને કેશોદ (Keshod) લાવીને ઉતારી દીધી હતી. તેણે યુવતીને ધમકી આપી હતી કે જો તે આ બાબતે કોઈને જાણ કરશે તો તેણીને અને તેના પરિવારને જાનથી મારી નાખશે. યુવતીના ગુમ થવા બદલ પરિવારે અગાઉ પોલીસમાં ફરિયાદ કરી હતી, જેના આધારે તપાસ ચાલુ હતી. યુવતી ઘરે પરત ફરતા તેણે પરિવારને આપવીતી જણાવી હતી, જેના પગલે કેશોદ પોલીસ સ્ટેશનમાં (Keshod Police Station) વિધિવત ફરિયાદ નોંધાઈ હતી.

રીઢો ગુનેગાર અને પોલીસ કાર્યવાહી

પોલીસ તપાસમાં બહાર આવ્યું છે કે ભરત ઉર્ફે ભુરો અગાઉ પણ હત્યા (Murder) અને હત્યાની કોશિશ (Attempt to Murder) જેવા ગંભીર ગુનાઓમાં સંડોવાયેલો છે. આટલું જ નહીં, તેને હાલમાં બે પત્નીઓ (Two Wives) હોવા છતાં તેણે આ કૃત્ય આચર્યું હતું. કેશોદ પોલીસે ટેકનિકલ સર્વેલન્સ અને બાતમીદારોની મદદથી આરોપીને ઝડપી પાડી જેલના સળિયા પાછળ ધકેલી દીધો છે.

આ પણ વાંચોઃ Vav-Tharad: પરણિત મહિલા પર 3 સંબંધીઓએ આચર્યું દુષ્કર્મ!

આ પણ વાંચોઃ Aravalli: વિવિધ રાજ્યોમાં ફેરવી યુવતી સાથે દુષ્કર્મ! પંચાયતનો ટેકનિકલ આસિસ્ટન્ટ મહેશ ઓડ જેલભેગો