PM મોદીનું મોટું નિવેદન: "સોમનાથની ગાથા વિનાશની નહીં, અડગ આસ્થા અને પુનર્નિર્માણની છે!"

અનેક આક્રમણો છતાં આસ્થા અડગ રહી

પોતાના સંબોધનમાં વડાપ્રધાને ઇતિહાસના પૃષ્ઠોને યાદ કરતાં જણાવ્યું કે, સદીઓ દરમિયાન સોમનાથ મંદિર પર અસંખ્ય વિદેશી આક્રમણો થયા અને તેને ધ્વસ્ત કરવાના અનેક પ્રયાસો કરવામાં આવ્યા. છતાં પણ કરોડો ભારતીયોની આસ્થા અને શ્રદ્ધા ક્યારેય ડગી નથી. સદીઓના સંઘર્ષ અને ઘેરા અંધકાર બાદ પણ સોમનાથ ફરીથી એટલી જ ભવ્યતા અને દિવ્યતા સાથે ગર્વભેર ઊભું થયું છે. આ પુનરુત્થાન દર્શાવે છે કે વિનાશક શક્તિઓ સામે સર્જન અને ભક્તિની શક્તિ હંમેશા વિજયી બને છે.

Advertisement

સોમનાથ ભારતની અડગ આસ્થાનું પ્રતીક
સદીઓના આઘાત છતાં આસ્થા અડીખમ
સોમનાથ વારંવાર તૂટ્યું, છતાં ફરી ઊભું થયું
સોમનાથની ગાથા વિજય અને પુનર્નિર્માણની
અનેક આક્રમણો છતાં શ્રદ્ધા ક્યારેય ન ડગી
વીર હમીરજી ગોહિલનું ઐતિહાસિક બલિદાન
વીર વેગડાજી ભીલનું અમર યોગદાન
અહિલ્યાબાઈ હોલકરે વારસો જીવંત… pic.twitter.com/tOk2XE0btk

— Gujarat First (@GujaratFirst) August 14, 2026

હમીરજી ગોહિલ અને અહિલ્યાબાઈના શૌર્યને નમન

સોમનાથની રક્ષા અને તેના પુનર્નિર્માણમાં પોતાનું સર્વોચ્ચ યોગદાન આપનારા તમામ વીર યોદ્ધાઓ અને મહાનુભાવોને PM મોદીએ ભાવવંદન કર્યા હતા. તેમણે લાઠીના વીર હમીરજી ગોહિલ (Hamirji Gohil) ના અપ્રતિમ શૌર્ય અને બલિદાનને યાદ કર્યું હતું, જેમણે સોમનાથની રક્ષા કાજે હસતા મુખે પ્રાણ ન્યોછાવર કર્યા હતા. સાથે જ, મંદિરના જીર્ણોદ્ધારમાં મહત્વપૂર્ણ ભૂમિકા ભજવનાર લોકમાતા અહિલ્યાબાઈ હોળકર (Ahilyabai Holkar) ના યોગદાનની સરાહના કરી હતી.

ભારતની અવિનાશી સાંસ્કૃતિક શક્તિનું કેન્દ્ર

વડાપ્રધાને ઉમેર્યું હતું કે સોમનાથ માત્ર એક ધાર્મિક સ્થળ નથી, પરંતુ તે ભારતની અવિનાશી આધ્યાત્મિક અને સાંસ્કૃતિક તાકાતનું પ્રતીક છે. સોમનાથ મંદિરની પુનઃસ્થાપના એ દેશના આત્મગૌરવ અને સાંસ્કૃતિક પુનર્જાગરણની ગાથા છે, જે આવનારી પેઢીઓને રાષ્ટ્રનિર્માણ અને સંસ્કૃતિના રક્ષણ માટે સદા પ્રેરણા આપતી રહેશે.

આ પણ વાંચો: Good News: સરકારી કર્મચારીઓ માટે મોટા સમાચાર, વર્ગ-3 ના કર્મીઓ માટે નવા મેડિકલ બોર્ડની રચના