જાણો સમગ્ર મામલો
રાજ્યભરમાં સાયબર ફ્રોડના ગુનામાં નાણાકીય વ્યવહારો કરવા માટે બેન્ક એકાઉન્ટનો ઉપયોગ વ્યાપક પ્રમાણમાં થઈ રહ્યો છે. સાયબર સેલ દ્વારા સમન્વય પોર્ટલ પર શંકાસ્પદ ટ્રાન્જેક્શન વાળા 9 બેંક ખાતાની તપાસ કરવામાં આવી હતી, જેમાં રૂ.19 કરોડના વ્યવહારો થયા હોવાથી સાયબર સેલે કરોડોની રકમની છેતરપિંડીના ગુનામાં 9 યુવકો સામે ગુનો નોંધાયો છે. જે પૈકી 8ની ધરપકડ કરી છે. જ્યારે એનડીપીએસના ગુનામાં જેલમાં રહેલા એક યુવકની ધરપકડની તજવીજ હાથ ધરી છે. મ્યુલ બેંક ખાતા મારફત 253 કરોડથી વધુ રકમની હેરાફેરી થઈ હોવાનું સામે આવ્યું છે અને આ બેંક ખાતા સામે વિવિધ રાજ્યોમાં 360 જેટલી ફરિયાદ નોંધાઇ છે.
Junagadh: વિવિધ બેન્કોના નવ ખાતામાં શંકાસ્પદ નાણાકીય વ્યવહાર
સાયબર સેલ દ્વારા સમન્વય પોર્ટલ પર રહેલા મ્યુલ બેંક ખાતાની તપાસ કરતા વિવિધ બેન્કોના નવ ખાતામાં શંકાસ્પદ નાણાકીય વ્યવહારની હેરાફેરી થતી હતી. નવ ખાતાઓ દ્વારા સાયબર ફ્રોડ થયા અંગેની ગુજરાતના વિવિધ જિલ્લાઓ ઉપરાંત દેશના અલગ અલગ રાજ્યોમાંથી 360 ઓનલાઇન ફરિયાદ નોંધાઈ હતી. એકાઉન્ટ મારફત દેશના વિવિધ રાજ્યોમાં 253 કરોડથી વધુની રકમની નાણાંકીય હેરાફેરી થઈ છે. જે રકમ દેશના વિવિધ રાજ્યોમાં સાયબર ફ્રોડ દ્વારા લોકોને છેતરી મેળવેલ હોવાનું સામે આવ્યું છે. સાયબર પોલીસે બેંક એકાઉન્ટ વિગતોના આધારે આલેખ ઉર્ફે પવન ગાગનદાસ હિરાણી, જાવીદ કાળુભાઈ તુર્ક પઠાણ, ભરત કાંતિભાઈ દેત્રોજા, અલ્તાફ કાળુ સમા, અલબક્ષ ઉર્ફે સોનુ હારૂનભાઈ સોઢા, ચિરાગ શાંતિલાલ સાધુ અને રક્ષિત પરસોતમ કાછડીયાને ઝડપી લીધા છે.
નાણાંની હેરાફેરીની વિવિધ રાજ્યોમાંથી થયેલી 10 ફરિયાદ
પ્રાથમિક પૂછપરછમાં યુવકો દ્વારા બેંક ખાતુ ભાડે આપીને તેના બદલામાં કમિશન મેળવતા હોવાની કબૂલાત કરી હતી. પોલીસ દ્વારા સાયબર ફ્રોડના 24.50 લાખની નાણાંની હેરાફેરીની વિવિધ રાજ્યોમાંથી થયેલી 10 ફરિયાદમાં બે યુવકોની ધરપકડ કરી હતી. વધુ 253 કરોડથી વધુની રકમનું મસમોટું સાયબર ફ્રોડમા નવ વ્યક્તિનું કનેક્શન ખુલતા જૂનાગઢ જિલ્લામાં પણ સાયબર ફ્રોડમાં ઉપયોગમાં લેવાતા બેંક એકાઉન્ટનો રાફડો હોવાની સંભાવના સેવાઈ રહી છે.
આ પણ વાંચો: Rajkot: ગોંડલના રાજકુમાર જાટના અપમૃત્યુ કેસમાં મોટા સમાચાર
