પ્રવાસીઓ સાવધાન! Somnath Chowpatty નજીક દરિયાના મોજામાં તણાયા 3 યુવકો, બેનો આબાદ બચાવ
Somnath મંદિર નજીક Chowpatty નજીક દરિયામાં ત્રણ ડૂબ્યા
પરિવાર સાથે સોમનાથ દર્શન કરવા આવેલા હતા યુવકો
ન્હાવા જતા ત્રણ યુવકો ડૂબી જતા બેને બચાવી લેવાયા
હજુ પણ એક યુવક લાપતા હોવાથી શોધખોળ હાથ ધરાઇ
પોલીસ-સ્થાનિક ધંધાર્થીઓએ દોરડા વડે યુવાનોને બચાવ્યા
Somnath Chowpatty Accident: ગુજરાતના સુપ્રસિદ્ધ યાત્રાધામ સોમનાથ (Somnath) માંથી એક અત્યંત ચિંતાજનક અને દુઃખદ સમાચાર સામે આવ્યા છે. સોમનાથ મંદિર (Somnath Temple) નજીક આવેલી ચોપાટી (Chowpatty) પાસેના દરિયામાં ન્હાવા પડેલા એક જ પરિવારના ત્રણ યુવકો અચાનક દરિયાના ઊંડા પાણીમાં ડૂબવા લાગ્યા હતા. મળતી માહિતી મુજબ, આ યુવકો પોતાના પરિવાર સાથે સોમનાથ મહાદેવના દર્શન કરવા માટે આવ્યા હતા. દર્શન કર્યા બાદ પરિવાર ચોપાટી પર ફરવા ગયો હતો, જ્યાં દરિયાની મજા માણવી પરિવાર માટે આફત બની ગઈ હતી.
પોલીસ અને સ્થાનિક ધંધાર્થીઓએ દેખાડી બહાદુરી, બે યુવકોને બચાવ્યા
યુવકો દરિયાના જોરદાર કરંટ અને મોજામાં ખેંચાવા લાગતા કિનારે ઉભેલા પરિવારજનોએ જોરજોરથી બૂમાબૂમ કરી મૂકી હતી. આ અવાજ સાંભળીને ત્યાં તૈનાત પોલીસ (Police) અને ચોપાટી પર વેપાર કરતા સ્થાનિક ધંધાર્થીઓ તાત્કાલિક મદદે દોડી આવ્યા હતા. સ્થાનિક લોકો અને પોલીસે સમયસૂચકતા વાપરીને તાબડતોબ દોરડા (Ropes) દરિયામાં ફેંક્યા હતા અને ભારે જહેમત બાદ ડૂબી રહેલા ત્રણ યુવકોમાંથી બે યુવકોને જીવતા બહાર કાઢી આબાદ બચાવી લીધા હતા.
સોમનાથ મંદિર નજીક ચોપાટી નજીક દરિયામાં ત્રણ ડૂબ્યા
પરિવાર સાથે સોમનાથ દર્શન કરવા આવેલા હતા યુવકો
ન્હાવા જતા ત્રણ યુવકો ડૂબી જતા બેને બચાવી લેવાયા
હજુ પણ એક યુવક લાપતા હોવાથી શોધખોળ હાથ ધરાઇ
પોલીસ-સ્થાનિક ધંધાર્થીઓએ દોરડા વડે યુવાનોને બચાવ્યા#GirSomnath #SomnathChopati… pic.twitter.com/JMIU36oO0z— Gujarat First (@GujaratFirst) May 22, 2026
એક યુવક હજુ પણ લાપતા: વહીવટી તંત્ર દ્વારા શોધખોળ શરૂ
આ ઘટનામાં બે યુવાનોના જીવ બચાવી લેવામાં સફળતા મળી છે, પરંતુ કમનસીબે ત્રીજો યુવક દરિયાના ઊંડા પાણીમાં લાપતા (Missing) થઈ ગયો હતો. ઘટનાની જાણ થતાં જ સ્થાનિક વહીવટી તંત્ર અને લાઈફગાર્ડની ટીમો પણ ઘટનાસ્થળે પહોંચી ગઈ છે. લાપતા યુવકની શોધખોળ માટે દરિયામાં વ્યાપક સર્ચ ઓપરેશન (Search Operation) હાથ ધરવામાં આવ્યું છે. આ અકસ્માતને પગલે સોમનાથ દર્શને આવેલા પરિવારમાં ભારે આક્રંદ અને શોકનો માહોલ છવાઈ ગયો છે.
આ પણ વાંચો: Lakhtar-Limbdi Highway પર કાળમુખો અકસ્માત: ટ્રેક્ટર અને મોપેડ વચ્ચે ભયાનક અકસ્માત, 2 ના મોત