સોમનાથ મંદિર બન્યું પર્યાવરણ સંરક્ષણનું પ્રેરણાસ્થળ: PM મોદીના મિશન લાઈફને બળ

વડાપ્રધાનના 'મિશન લાઈફ' વિઝનને સોમનાથથી મજબૂતી

ઉલ્લેખનીય છે કે, વડાપ્રધાન નરેન્દ્રભાઇ મોદીએ ઓક્ટોબર 2022માં વૈશ્વિક સ્તરે 'મિશન લાઈફ' (Lifestyle for Environment) ની શરૂઆત કરી હતી. આ મિશનનો મુખ્ય ઉદ્દેશ્ય લોકોમાં પર્યાવરણ આધારિત જીવનશૈલી અપનાવવાનો છે. સોમનાથ મંદિરે આ સંકલ્પને વણાટ કરીને દેશ અને વિદેશથી આવતા લાખો શ્રદ્ધાળુઓ સુધી પર્યાવરણ જાગૃતિનો સબળ સંદેશ પહોંચાડ્યો છે.

ઝીરો વેસ્ટ નીતિ અને રીસાયકલિંગની નવી પહેલ

સોમનાથ મંદિર ટ્રસ્ટ દ્વારા પરિસરમાં 'ઝીરો વેસ્ટ નીતિ' (Zero Waste Policy) અપનાવવામાં આવી છે. મંદિરમાં અર્પણ થતા ફૂલ-પાંદડાનો કચરો ફેંકી દેવાને બદલે તેમાંથી વૈજ્ઞાનિક પદ્ધતિથી વર્મિકંપોસ્ટ (Vermicompost) એટલે કે જૈવિક ખાતર બનાવવામાં આવે છે. આ ઉપરાંત, વપરાયેલા એકલ-ઉપયોગી પ્લાસ્ટિકમાંથી પેવર બ્લોક (Paver Blocks) બનાવવાની અત્યંત પ્રશંસનીય પહેલ શરૂ કરાઈ છે. હાલ સોમનાથમાં દર મહિને 4,600થી વધુ પેવર બ્લોકનું ઉત્પાદન થઈ રહ્યું છે.

Somnath Temple Leads Mission LiFE | Zero Waste, Miyawaki Forest & Sustainable Environmental Initiatives

Somnath Temple Leads Mission LiFE: સોમનાથ મંદિર બન્યું પર્યાવરણ સંરક્ષણનું પ્રેરણાસ્થળ
PM મોદીના મિશન લાઈફ વિઝનને નવી દિશા
સોમનાથ મંદિરથી પર્યાવરણ સંદેશને મળ્યું બળ
આસ્થા સાથે… pic.twitter.com/LdZSG9DgNr

— Gujarat First (@GujaratFirst) August 13, 2026

મિયાવાંકી પદ્ધતિ અને વોટર હાર્વેસ્ટિંગ

પર્યાવરણને વધુ લીલુંછમ બનાવવા માટે જાપાનીઝ 'મિયાવાંકી પદ્ધતિ' (Miyawaki Method) નો ઉપયોગ કરીને સોમનાથ મંદિર પરિસર અને આસપાસના વિસ્તારમાં 7,200થી વધુ વૃક્ષોનું વાવેતર કરવામાં આવ્યું છે. આ ઘનઘોર જંગલ દર વર્ષે અંદાજે 93 હજાર કિલો જેટલો કાર્બન ડાયોક્સાઈડ વાયુ શોષી લે છે. આ સાથે જ ચોમાસા દરમિયાન પાણીની બચત માટે વિશાળ રેન વોટર હાર્વેસ્ટિંગ (Rainwater Harvesting) એટલે કે વરસાદી પાણીના સંગ્રહની પણ સુદ્રઢ વ્યવસ્થા ઊભી કરવામાં આવી છે.

આ પણ વાંચો: કેન્દ્રીય ગૃહમંત્રી અમિતભાઇ શાહે CM ને લખ્યો ભલામણ પત્ર, જળભરાવની સમસ્યાના નિરાકરણ માટે કર્યા કડક આદેશ