Junagadh માં ગંભીર અકસ્માત બાદ મનપાનું કડક પગલું, બંને કંપનીઓના સાઇટ ઈજનેરોને દૂર કરવા આદેશ

મહાનગરપાલિકાના કડક પગલાં

ઘટનાની ગંભીરતાને ધ્યાનમાં રાખીને જૂનાગઢ મ્યુનિસિપલ કમિશનર આકરા પાણીએ જોવા મળ્યા છે. આ બેદરકારી બદલ તંત્ર દ્વારા કડક શિક્ષાત્મક કાર્યવાહી કરવામાં આવી છે. જે એજન્સી દ્વારા કામ કરવામાં આવ્યું હતું, તે વી.સી. પ્રોજેક્ટ એન્ડ ઇન્ફ્રા પ્રા. લી.ને કામમાં ગંભીર બેદરકારી બદલ રૂ. 1.50 લાખનો દંડ ફટકારવામાં આવ્યો છે. આ ઉપરાંત, સુપરવિઝનમાં ક્ષતિ બદલ 'ગ્રીન ડીઝાઇન એન્ડ એન્જીનિયરીંગ સર્વીસ પ્રા. લી.' ને રૂ. 75 હજારનો દંડ કરવામાં આવ્યો છે. આમ, બંને એજન્સીઓ પાસેથી કુલ રૂ. 2.25 લાખનો દંડ વસૂલવાનો આદેશ અપાયો છે.

જવાબદારી નક્કી કરવાના નિર્દેશ

માત્ર દંડ જ નહીં, પરંતુ બંને કંપનીઓના સાઇટ ઇજનેરોને (Site engineers) તાત્કાલિક અસરથી ફરજ પરથી દૂર કરવાના આદેશ પણ આપવામાં આવ્યા છે. સાથે જ, મહાનગરપાલિકાની વોટરવર્ક્સ શાખાના પ્રોજેક્ટ ઇજનેર અને કાર્યપાલક ઇજનેરને પણ કારણદર્શક નોટિસ (Show-cause notice) પાઠવવામાં આવી છે.

યુદ્ધના ધોરણે કામગીરી

અત્યારે તે સ્થળ પર યુદ્ધના ધોરણે પોટહોલ ફિલિંગ (Pothole filling) અને કમ્પેકશનની કામગીરી હાથ ધરવામાં આવી છે. સુરક્ષાના કારણોસર જ્યાં સુધી તપાસ પૂર્ણ ન થાય ત્યાં સુધી આ રસ્તો વાહન વ્યવહાર માટે બંધ રાખવામાં આવ્યો છે. પ્રાથમિક તપાસમાં ભારે વરસાદ અને પાણીના પ્રવાહને કારણે વેટમિક્સ મટીરિયલ (Wet-mix material) ધોવાઈ જવાથી આ ખાડો પડ્યો હોવાનું તારણ નીકળ્યું છે. ઇજાગ્રસ્ત વ્યક્તિની તબિયતમાં હાલ સુધારો જણાઈ રહ્યો છે. કમિશનરે સ્પષ્ટ શબ્દોમાં ચેતવણી આપી છે કે, ચોમાસા દરમિયાન વિકાસના કામોમાં કોઈ પણ પ્રકારની બેદરકારી ચલાવી લેવામાં આવશે નહીં.

આ પણ વાંચોઃ Pavagadh: પાવાગઢ જતા યાત્રિકો ખાસ વાંચો! પથ્થરો પડવાની ઘટના બાદ સુરક્ષા માટે શું છે પ્લાન?