Junagadh News: વર્ષા વિજ્ઞાન મંડળ આવ્યું Ambalal Patel ના સમર્થનમાં, આગાહીને ગણાવી ઋષિ પરંપરા

Junagadh: વર્ષા વિજ્ઞાન મંડળની સ્પષ્ટતા અને દાવા

વર્ષા વિજ્ઞાન મંડળના પ્રમુખ એન. બી. જાદવે આ અંગે માહિતી આપતા જણાવ્યું હતું કે, તેમનું મંડળ છેલ્લા 32 વર્ષથી સતત કાર્યરત છે. તેઓ કોઈ એક વ્યક્તિના મંતવ્ય પર નહીં, પરંતુ તમામ આગાહીકારોના અવલોકનો અને અભ્યાસ બાદ એક સંયુક્ત નિષ્કર્ષ પર પહોંચે છે. મંડળના જણાવ્યા મુજબ, તેમની આ આગાહીઓ 70 થી 80 ટકા જેટલી સચોટ સાબિત થાય છે. આ પદ્ધતિનો મુખ્ય હેતુ ખેડૂતોને વરસાદ અને વાવણીના સમય અંગે અગાઉથી જાણકારી આપવાનો છે, જેથી તેઓ ખેતીના આયોજનમાં સાવચેત રહી શકે.

આગાહીકારોનો રોષ

આગાહીકાર મોહનભાઈ દલસાણીયાએ પણ વિજ્ઞાન જાથાના આક્ષેપોને ફગાવી દેતા જણાવ્યું હતું કે, આ વિજ્ઞાન કુદરત સાથે સીધી રીતે જોડાયેલું છે. આખું વર્ષ પ્રકૃતિમાં થતા બદલાવોનું સૂક્ષ્મ નિરીક્ષણ કરવામાં આવે છે, જેના આધારે વરતારો કાઢવામાં આવે છે. તેમણે ભારપૂર્વક કહ્યું કે, ખેડૂતોના હિતમાં કરવામાં આવતી આ સેવાને નકારાત્મક દ્રષ્ટિકોણથી જોવી દુર્ભાગ્યપૂર્ણ છે. જૂનાગઢ કૃષિ યુનિવર્સિટીના નિષ્ણાતો અને વર્ષા વિજ્ઞાન મંડળના સભ્યો આ સમગ્ર વિવાદને વિજ્ઞાન અને પરંપરાના સમન્વય તરીકે જોઈ રહ્યા છે, અને તેઓ પોતાની આ પ્રક્રિયાને ખેડૂતો માટે અત્યંત ઉપયોગી ગણાવી રહ્યા છે.

આ પણ વાંચો: Ambalal Patel controversy: જયંત પંડ્યાના આક્ષેપો બાદ અંબાલાલ પટેલે આપ્યો જડબાતોડ જવાબ, કહ્યું- .... તો આગાહી બંધ કરી દઈશ