Kon Banse Gujarat No Genius EP 4 : હળવદના પ્રશાંત ચૌહાણે મારી બાજી, જીત્યા સ્માર્ટફોનથી લઈને લેપટોપ સુધીના ઈનામો

Kon Banse Gujarat No Genius માં જ્ઞાનના જંગમાં સ્પર્ધકોએ ઉત્સાહભેર લીધો ભાગ

આ એપિસોડમાં ગુજરાતના અલગ-અલગ વિસ્તારોમાંથી આવેલા ઉત્સાહી યુવા સ્પર્ધકોએ ભાગ લીધો હતો, જેમાં અમદાવાદના ધંધુકાના ગુલજાર ગામથી આવેલા જાદવ જયદીપકુમાર મનસુખભાઈ, જામનગર જિલ્લાના મોટી લાખાણી ગામના કોલેજ વિદ્યાર્થી જાડી પથી વનરાસિત અને દેવભૂમિ દ્વારકામાંથી માસ્ટર ડિગ્રી એગ્રીકલ્ચરનો અભ્યાસ કરતા નંદાણીયા નિલેશ , વાવધરા જિલ્લાના ભોરડુ ગામમાંથી આવતા ઠાકોર મહેન્દ્રભાઈ, મોરબીના હળવદ ગામના પ્રશાંત ચૌહાણ જેઓ વેબ સંકુલમાં એજ્યુકેટર તરીકે જોબ કરે છે. આ તમામ સ્પર્ધકોએ પ્રતિયોગિતામાં ઉત્સાહભેર ભાગ લીધો હતો.

હળવદ ગામના પ્રશાંત ચૌહાણ 120 નંબર સાથે વિજેતા બન્યા

શૉ દરમિયાન ગુજરાતની સ્પર્ધાત્મક પરીક્ષાઓ અને સામાન્ય જ્ઞાનને લગતા મહત્વપૂર્ણ પ્રશ્નો પૂછવામાં આવ્યા હતા, જેમાં જીપીએસસીની ભરતી, ભારતીય ચૂંટણી પંચની સ્થાપના, ત્રણેતરનો મેળો, મહિલા નાણા સચિવ અને આધુનિક શિક્ષણના પ્રણેતા જેવા વિષયો પર સ્પર્ધકોએ પોતાની પ્રતિભા બતાવી હતી. આ સ્પર્ધામાં હળવદ ગામના પ્રશાંત ચૌહાણ 120 નંબર સાથે વિજેતા બન્યા હતા. જેથી તેમને મહાનુભાવોના હસ્તે ગિફ્ટ આપી સન્માનિત કરવામાં આવ્યા હતા. તેમને સ્માર્ટ ફોન સાથે સ્માર્ડ વોચ અને સર્ટિફિકેટ આપી સન્માનિત કરવામાં આવ્યા હતા. તેમજ કેશ પ્રાઈઝ પણ આપવામાં આવી હતી. આ સાથે તેમને લેપટોપ પણ આપવામાં આવ્યું હતું.

 

View this post on Instagram

 

A post shared by Gujarat First (@gujaratfirst)

કેપ્ટન યોગેન્દ્ર યાદવે યુવાનોને આપી ખાસ શીખ

અંતમાં, સ્વચ્છતા અને પર્યાવરણ જાગૃતિ માટે વિશેષ પ્રતિજ્ઞા લેવામાં આવી હતી, જ્યાં કેપ્ટન યોગેન્દ્રસિંહ યાદવે યુવાનોને પોતાના જન્મદિવસે કેક કાપવાને બદલે એક વૃક્ષ વાવીને તેનું જતન કરવા માટે પ્રેરિત કર્યા હતા.

આ પણ વાંચો: Kon Banse Gujarat no Genius S1-E3: DyCM Harshbhai Sanghavi, Yash Soni અને Manoj Joshi ની ખાસ ઉપસ્થિતિ