Kheda Accident: ખેડા-મહેમદાવાદ રોડ પર ભયંકર અકસ્માત, એક જ પરિવારના 2 લોકોના મોત, 5 ઈજાગ્રસ્ત

7 સભ્યો સામાજિક પ્રસંગમાં હાજરી આપવા માટે રિક્ષામાં જઈ રહ્યા

પ્રાપ્ત માહિતી અનુસાર, એક જ પરિવારના કુલ 7 સભ્યો એક સામાજિક પ્રસંગમાં હાજરી આપવા માટે રિક્ષામાં જઈ રહ્યા હતા. રિક્ષા મહેમદાવાદથી ખેડા તરફ જઈ રહી હતી, ત્યારે સામેથી આવી રહેલી આઈસર ગાડી સાથે તેનું ભયંકર અથડામણ (Collision) થયું હતું. અકસ્માત એટલો જોરદાર હતો કે રિક્ષાનો કચ્ચરઘાણ વળી ગયો હતો. અકસ્માત બાદ આસપાસના સ્થાનિક લોકો તાત્કાલિક બચાવ કામગીરી માટે દોડી આવ્યા હતા અને ઇજાગ્રસ્તોને બહાર કાઢવામાં મદદ કરી હતી.

ઈજાગ્રસ્તો હોસ્પિટલમાં

આ ઘટનામાં એક મહિલા અને પુરુષનું ઘટનાસ્થળે જ મતો થઈ ગયું હતુ. જ્યારે 5 લોકો ગંભી રીતે ઈજાગ્રસ્ત થયા હતા.  આ ઘટનાની જાણ થતાં જ ખેડા ટાઉન પોલીસ સ્ટેશનની ટીમ દોડી આવી હતી.  પોલીસે તાત્કાલિક ટ્રાફિક વ્યવસ્થા સંભાળી હતી અને ઈજાગ્રસ્તોને સારવાર અર્થે ખેડા સિવિલ હોસ્પિટલ ખાતે ખસેડવાની વ્યવસ્થા કરી હતી. જ્યારે મૃતદેહોને પોસ્ટમોર્ટ અર્થે ખસેડ્યા છે. ઈજાગ્રસ્તોની સ્થિતિ હાલ નાજુક હોવાનું કહેવાઈ છે. પોલીસે આ અકસ્માત મામલે મોતનો ગુનો નોંધી અકસ્માતનું ચોક્કસ કારણ જાણવા માટે વધુ તપાસ શરૂ કરી છે. આ ઘટનાને પગલે સમગ્ર પંથકમાં ભારે અરેરાટી ફેલાઈ ગઈ છે.

આ પણ વાંચોઃ ખેડા જિલ્લામાં ભારે વરસાદ, હેલ્પલાઇન નંબર જાહેર, જાણો સ્થિતિ

આ પણ વાંચોઃ Kheda: ઠાસરામાં દુઃખદ ઘટના: કેનાલમાં માતાએ લગાવી છલાંગ, બચાવવા ગયેલો પુત્ર લાપતા