Kapadvanj Factory Blast: 'ગેરકાયદેસર હશે તો માલિકને છોડવામાં નહીં આવે', MLA રાજેશ ઝાલાનું નિવેદન

પરમિશન વગર ચાલતી ફેક્ટરીના માલિક સામે કડક કાર્યવાહીની ખાતરી

સ્થાનિક ધારાસભ્ય રાજેશ ઝાલાએ આ સમગ્ર બ્લાસ્ટની ઘટનાને અત્યંત દુર્ભાગ્યપૂર્ણ (unfortunate) ગણાવી હતી. ધારાસભ્યએ મીડિયા સમક્ષ સ્પષ્ટ શબ્દોમાં ચીમકી આપતા જણાવ્યું હતું કે, જો આ ફેક્ટરી જરૂરી સરકારી મંજૂરી કે પરમિશન વગર ગેરકાયદેસર રીતે ચાલતી હશે, તો તેના માલિકને (owner) કોઈપણ સંજોગોમાં છોડવામાં નહીં આવે. આ અકસ્માત માટે જવાબદાર ફેક્ટરીના માલિક વિરુદ્ધ કડકમાં કડક કાયદેસરની કાર્યવાહી કરવામાં આવશે તેવી તેમણે ખાતરી આપી છે.

Kheda Firecracker Factory Blast: ફેકટરીના માલિક પર કાયદેસરની કાર્યવાહી કરાશેઃ MLA રાજેશ ઝાલા

ખેડાના કપડવંજમાં ફટાકડાની ફેક્ટરીમાં બ્લાસ્ટ
ઘટના અંગે ધારાસભ્ય રાજેશ ઝાલાનું નિવેદન
કંપનીમાં કામ કરતા 2 લોકો ઘાયલ થયાઃ ધારાસભ્ય
સમગ્ર ઘટના ખૂબ જ દુર્ભાગ્યપૂર્ણઃ રાજેશ ઝાલા
પરમિશન નહીં… pic.twitter.com/0Rneu7VtQQ

— Gujarat First (@GujaratFirst) June 27, 2026

વિપક્ષ કોંગ્રેસના તંત્ર પર આકરા પ્રહારો

બીજી તરફ, આ બ્લાસ્ટની ઘટનાને લઈને રાજકારણ પણ ગરમાયું છે. કોંગ્રેસના (Congress) શહેર પ્રમુખ નીતિન પટેલે આ મામલે તીખી પ્રતિક્રિયા (reaction) આપી છે. તેમણે આક્ષેપ કર્યો છે કે કપડવંજના ઈતિહાસમાં પ્રથમવાર આટલો ભયાનક અને પ્રચંડ વિસ્ફોટ (explosion) થયો છે. ઘટનાની ગંભીરતા જોતા એવું સ્પષ્ટપણે લાગી રહ્યું છે કે અહીં માત્ર ફટાકડા જ નહીં, પરંતુ કોઈ મોટો વિસ્ફોટક પદાર્થ બનાવવામાં આવી રહ્યો હતો.

"વીજ કનેક્શન કેવી રીતે અપાયું તપાસ થવી જોઈએ"

શહેર પ્રમુખે વધુમાં સનસનાટીપૂર્ણ આક્ષેપ કર્યો હતો કે, આ કોઈ સામાન્ય કારખાનું નહોતું પરંતુ છેલ્લા બે વર્ષથી ગેરકાયદેસર રીતે ધમધમતી એક "મોતની ફેક્ટરી" હતી. આવી જોખમી જગ્યા પર વહીવટી તંત્ર કે વીજ કંપની દ્વારા કઈ રીતે અને કોની ભલામણથી વીજ કનેક્શન (power connection) આપી દેવામાં આવ્યું, તેની તટસ્થ અને ઉચ્ચ સ્તરીય તપાસ થવી અત્યંત જરૂરી છે.

આ પણ વાંચોઃ Kapadvanj factory blast: Kheda ના કપડવંજમાં ફટાકડાની ફેક્ટરીમાં પ્રચંડ વિસ્ફોટ,10 કિલોમીટર સુધી ધરા ધ્રુજી, 5 થી 6 લોકો ઈજાગ્રસ્ત