FSL રિપોર્ટ: ખતરનાક કેમિકલ્સનો ભંડાર
ઘટનાસ્થળેથી એકત્રિત કરવામાં આવેલા નમૂનાઓના ઝીણવટભર્યા વૈજ્ઞાનિક પરીક્ષણ બાદ રિપોર્ટમાં ચોક્કસ પ્રકારના વિસ્ફોટક તત્વોની હાજરીની પુષ્ટિ કરવામાં આવી છે. રિપોર્ટ મુજબ ફેક્ટરીમાંથી મળી આવેલા મિશ્રણમાં મુખ્યત્વે પોટેશિયમ નાઇટ્રેટ (Potassium Nitrate), સેલ્યુલોઝ નાઇટ્રેટ (Cellulose Nitrate) અને ઇથાઇલ એસિટિક (Ethyl Acetic) હોવાનું સામે આવ્યું છે. રસાયણ શાસ્ત્રના નિષ્ણાતોનું માનવું છે કે આ પદાર્થો અત્યંત જ્વલનશીલ અને ઘાતક વિસ્ફોટકો તૈયાર કરવા માટેના મુખ્ય ઘટકો છે. હાલમાં એફએસએલની ટીમ દ્વારા અન્ય શંકાસ્પદ કેમિકલ્સની પણ તપાસ કરવામાં આવી રહી છે, જેના અંતિમ રિપોર્ટ (Final Report) બાદ આ ગોઝારા બનાવ પાછળના વધુ ગંભીર પાસાઓ સામે આવશે.
તપાસમાં ખેડા SOG ની એન્ટ્રી
આ ગંભીર ઘટનાને ધ્યાને રાખીને ખેડા પોલીસના સ્પેશિયલ ઓપરેશન ગ્રુપ (SOG) ને તપાસ સોંપવામાં આવી છે. એસઓજીની ટીમે ઘટનાસ્થળેથી જીવતા બચી ગયેલા કર્મચારીઓ અને ઈજાગ્રસ્તોના નિવેદનો નોંધવાની પ્રક્રિયા શરૂ કરી છે. આ નિવેદનોના આધારે ફેક્ટરીમાં કામકાજની પદ્ધતિ અને સુરક્ષાના ધારાધોરણોના ઉલ્લંઘન અંગે મહત્વપૂર્ણ કડીઓ મેળવવાનો પ્રયાસ કરવામાં આવી રહ્યો છે.
મુખ્ય આરોપી મિતુલ પટેલ ફરાર
ફેક્ટરીના સંચાલક અને આ કેસના મુખ્ય આરોપી મિતુલ પટેલ હાલમાં પોલીસની પકડથી દૂર છે. આરોપીને ઝડપી પાડવા માટે ખેડા એસઓજી દ્વારા ટેક્નિકલ સર્વેલન્સ અને હ્યુમન ઇન્ટેલિજન્સનો સહારો લેવામાં આવી રહ્યો છે. પોલીસની એક ખાસ ટીમ અમદાવાદના ઈસનપુર સ્થિત આરોપીના નિવાસસ્થાને પણ પહોંચી હતી, પરંતુ ત્યાં માત્ર આરોપીના માતા હાજર જોવા મળ્યા હતા. આરોપીએ ધરપકડથી બચવા માટે ભૂગર્ભમાં ઉતરી જવાનો પ્રયાસ કર્યો છે, પરંતુ પોલીસ દ્વારા તેના દરેક સંભવિત લોકેશન પર વોચ રાખવામાં આવી રહી છે.
આ પણ વાંચોઃ Kapadvanj Factory Blast: ફટાકડા ફેક્ટરી બ્લાસ્ટની 10 કિમી સુધી અસર, મકાનોને તિરાડો પડી, અસરગ્રસ્તો શું કહી રહ્યા છે?
આ પણ વાંચોઃ Kapadvanj Factory Blast: 'ગેરકાયદેસર હશે તો માલિકને છોડવામાં નહીં આવે', MLA રાજેશ ઝાલાનું નિવેદન
આ પણ વાંચોઃKapadvanj Factory Blast: ફેક્ટરી માલિક સામે ગુનો દાખલ, LCB અને SOG તપાસમાં જોડાઈ
આ પણ વાંચોઃ Kapadvanj Factory Blast: મામલતદારે નોંધાવી ફરિયાદ, ઘટના સ્થળે FSLની તપાસ શરૂ
