Kapadvanj fireworks factory blast: 11 દિવસની નાસભાગ બાદ ફેક્ટરી માલિક મિતુલ ઝડપાયો, તપાસમાં થશે મોટા ખુલાસા

Kapadvanj  ફટાકડા ફેક્ટરી બ્લાસ્ટના મુખ્ય આરોપીને દબોચી લેવાયો

ગત 27 જૂનના રોજ કપડવંજ સ્થિત એક ફટાકડાની ફેક્ટરીમાં અચાનક પ્રચંડ વિસ્ફોટ થયો હતો. આ દુર્ઘટનામાં બે શ્રમિકો ગંભીર રીતે દાઝી ગયા હતા, જેમને તાત્કાલિક સારવાર માટે ખસેડવામાં આવ્યા હતા. દુર્ભાગ્યવશ, સારવાર દરમિયાન એક શ્રમિકનું મોત નીપજતા સમગ્ર વિસ્તારમાં શોકનું મોજું ફરી વળ્યું હતું.

પોલીસની તપાસ અને ધરપકડ

ઘટના બાદથી જ ફેક્ટરીનો માલિક મિતુલ પટેલ ફરાર થઈ ગયો હતો. ખેડા SOGની ટીમ સતત આરોપીને શોધવા માટેના પ્રયાસો કરી રહી હતી. અંતે, બાતમીના આધારે પોલીસે માલિક મિતુલને ઝડપી પાડ્યો છે. પ્રાથમિક તપાસમાં બહાર આવ્યું છે કે, આરોપી કોઈપણ પ્રકારની કાયદેસરની મંજૂરી મેળવ્યા વિના જ આ જોખમી વ્યવસાય ચલાવી રહ્યો હતો.

પોલીસ તપાસમાં મોટા ખુલાસાની શક્યતા

હવે પોલીસ આરોપીને કોર્ટમાં રજૂ કરી વધુ પૂછપરછ માટે રિમાન્ડ મેળવશે. પોલીસની તપાસમાં વિસ્ફોટના અન્ય કારણો અને ફેક્ટરીમાં સુરક્ષાના અભાવે થયેલી બેદરકારી અંગે વધુ મોટા ખુલાસા થવાની શક્યતા છે.

આ પણ વાંચો: Kon Banshe Gujarat No Genius : મેગા શોમાં HardikBhai Bhamaniya એ ટેલેન્ટના જોરે મારી બાજી