Nadiad Tiranga Yatra: નડિયાદમાં યોજાઈ જિલ્લાની સૌથી મોટી તિરંગા યાત્રા, 7 હજારથી વધુ લોકો જોડાયા

સરદાર ભવનથી સરદાર પટેલના જન્મસ્થળ સુધી યાત્રા

જિલ્લા કક્ષાની આ ભવ્ય યાત્રા નડિયાદ શહેરના ઐતિહાસિક સરદાર ભવનથી શરૂ થઈ હતી. દેશભક્તિના સૂત્રોચ્ચાર અને તિરંગા લહેરાવતા લોકોના ઉત્સાહ વચ્ચે યાત્રા શહેરના વિવિધ માર્ગોથી પસાર થઈ સરદાર પટેલના જન્મસ્થળે પહોંચી હતી. સમગ્ર માર્ગ પર દેશપ્રેમનો માહોલ જોવા મળ્યો હતો.

રાજ્ય કક્ષાના મંત્રીઓ રહ્યા ઉપસ્થિત

તિરંગા યાત્રામાં રાજ્ય કક્ષાના મહેસૂલ મંત્રી સંજયસિંહ મહિડા તથા ખેડા જિલ્લાના પ્રભારી મંત્રી રમણભાઈ સોલંકી વિશેષ ઉપસ્થિત રહ્યા હતા. બંને મંત્રીઓએ રાષ્ટ્રધ્વજને સલામી આપી દેશભક્તિનો સંદેશ આપ્યો હતો. મંત્રીઓએ જણાવ્યું હતું કે તિરંગો માત્ર ધ્વજ નહીં પરંતુ દેશની એકતા, અખંડિતતા અને શહીદોના બલિદાનનું પ્રતિક છે.

ધારાસભ્યો અને મેયર સહિત આગેવાનો જોડાયા

તિરંગા યાત્રામાં ધારાસભ્ય પંકજભાઈ દેસાઈ, ધારાસભ્ય અર્જુનસિંહ ચૌહાણ, જિલ્લા કલેક્ટર, મહાનગરપાલિકાના કમિશ્નર, જિલ્લા વિકાસ અધિકારી તથા જિલ્લા પોલીસ વડા સહિતના ઉચ્ચ અધિકારીઓ જોડાયા હતા.  આ ભવ્ય તિરંગા યાત્રા દ્વારા ખેડા જિલ્લામાં રાષ્ટ્રીય એકતા, સામાજિક સમરસતા અને દેશપ્રેમનો મજબૂત સંદેશ આપવામાં આવ્યો હતો. સ્વતંત્રતા દિવસની પૂર્વસંધ્યાએ યોજાયેલ આ કાર્યક્રમને જિલ્લામાં અત્યાર સુધીની સૌથી વિશાળ તિરંગા યાત્રા તરીકે જોવામાં આવી રહ્યો છે.

આ પણ વાંચોઃ Jamnagar: રેન્જ IG નિર્લિપ્ત રાય જામનગર જિલ્લા જેલ પહોંચ્યા, વાર્ષિક ઇન્સ્પેક્શન કર્યું