ઉચાપતના આક્ષેપ બાદ 20 દિવસ ડેરી બંધ રહી
વસો દૂધ ઉત્પાદક મંડળીમાં ઉચાપતના આક્ષેપોને લઈને અગાઉ પણ વિવાદ સર્જાયો હતો. આ મુદ્દે મંડળીની ડેરી લગભગ 20 દિવસ સુધી બંધ રાખવામાં આવી હોવાની માહિતી સામે આવી છે. ડેરી બંધ રહેતા દૂધ ઉત્પાદકો અને મંડળી સાથે જોડાયેલા સભ્યોમાં પણ અસંતોષ જોવા મળ્યો હતો.
Advertisement ![Navratri Banner]()
કમિટીની મનમાનીના આક્ષેપ
મંડળીની કામગીરી અને નિર્ણય પ્રક્રિયાને લઈને કમિટી સામે મનમાનીના આક્ષેપો કરવામાં આવ્યા છે. ખાસ કરીને સેક્રેટરીની નિમણૂકને લઈને વિવાદ વધારે ગંભીર બન્યો હોવાનું સામે આવ્યું છે. આક્ષેપ મુજબ, નવી જાહેરાત કર્યા વિના જ મંડળીમાં નવા સેક્રેટરીની નિમણૂક કરવામાં આવી હતી. જેના કારણે મંડળીના કેટલાક સભ્યોમાં નારાજગી હોવાનું જાણવા મળે છે.
સભ્ય ન હોવા છતાં સેક્રેટરી બનાવ્યાનો આરોપ
વિવાદનું મુખ્ય કારણ નવા સેક્રેટરી તરીકે મહેશ પરમારની કરવામાં આવેલી નિમણૂક હોવાનું સામે આવ્યું છે. મહેશ પરમાર અગાઉ મંડળીમાં રોજમદાર તરીકે કામ કરતા હોવાનું જણાવાયું છે. આ સાથે જ તેઓ મંડળીના સભ્ય ન હોવા છતાં તેમને સેક્રેટરી પદે નિયુક્ત કરવામાં આવ્યા હોવાનો આરોપ પણ લગાવવામાં આવ્યો છે. આ નિમણૂક કયા નિયમો અને પ્રક્રિયા હેઠળ કરવામાં આવી તે અંગે પણ સવાલો ઉઠી રહ્યા છે.
બે રાજીનામા બાદ વધુ સભ્યો પણ રાજીનામું આપે તેવી શક્યતા
વસો દૂધ ઉત્પાદક મંડળીના વિવાદ વચ્ચે અગાઉ બે સભ્યોએ રાજીનામું આપ્યું હોવાની માહિતી સામે આવી છે. હવે સેક્રેટરી નિલેશ પટેલે પણ રાજીનામું આપતાં મંડળીની આંતરિક સ્થિતિ અંગે ચર્ચા તેજ બની છે. આગામી દિવસોમાં મંડળીના અન્ય સભ્યો પણ રાજીનામાં આપે તેવી શક્યતા વ્યક્ત કરવામાં આવી રહી છે.
આ પણ વાંચોઃ Dahegam kidnapping case: દહેગામમાં યુવકના અપહરણ બાદ હત્યા, ખેડા જીલ્લાની કેનાલમાંથી મળ્યો મૃતદેહ
આ પણ વાચોઃ Surendranagar: કડક કાર્યવાહી કરનાર ડેપ્યુટી કલેક્ટર H.T. Makwana ની બદલી, જાણો ક્યાં કરાઈ બદલી?
