Kheda Mahudha Tension: ખેડા પંથકમાં થોડા દિવસો પહેલાં સર્જાયેલા તણાવ બાદ પ્રશાસન દ્વારા કડક પગલાં લેવામાં આવી રહ્યા છે, જેના ભાગરૂપે ગેરકાયદેસર દબાણો પર બુલડોઝર ફેરવીને આરોપીઓની ધરપકડ કરવામાં આવી છે અને આજે ઘટનાસ્થળે પોલીસ બંદોબસ્ત વચ્ચે તેમનું રીકન્સ્ટ્રક્શન કરવામાં આવશે.
Kheda ના મહુધામાં બે સમાજ વચ્ચે તણાવ
ખેડા જિલ્લાના મહુધામાં ગત તારીખ 31 ઓગસ્ટ 2026 ના રોજ સાંજના સમયે બનેલી એક મારામારીની ઘટનાએ ભારે તણાવ સર્જ્યો હતો. પ્રાપ્ત વિગતો અનુસાર, મહુધા પાસે પટેલ સમાજૂના એક યુવકને મુસ્લિમ સમાજના કેટલાક લોકો દ્વારા માર મારવામાં આવ્યો હતો. આ ઘટના બનતા જ માહોલ ગરમાયો હતો અને રાત્રીના સમયે જ મહુધા ચોકડી પાસે મોટી સંખ્યામાં લોકોના ટોળેટોળા એકત્ર થઈ ગયા હતા. પરિસ્થિતિ વણસતી જોઈને પોલીસ તંત્ર તાત્કાલિક હરકતમાં આવ્યું હતું અને રાત્રે જ કડક કાર્યવાહી હાથ ધરીને ત્રણ શખ્સો વિરુદ્ધ ગુનો દાખલ કરવામાં આવ્યો હતો.
રાત્રિના સમયે પોલીસે ઝડપી પાડ્યા બે આરોપીઓ
આ મામલાની ગંભીરતાને ધ્યાને રાખીને પ્રશાસન દ્વારા બીજા જ દિવસે એટલે કે ગઈકાલે સવારમાં ફીણાવ ભાગોળ અને મહુધા બસ સ્ટેન્ડ વિસ્તારમાં ચુસ્ત પોલીસ બંદોબસ્ત વચ્ચે સપાટો બોલાવવામાં આવ્યો હતો અને ગેરકાયદેસર દબાણો સામે ડિમોલેશનની કામગીરી હાથ ધરવામાં આવી હતી. પોલીસે રાત્રિના સુમારે જ સઘન ઓપરેશન હાથ ધરીને આ પ્રકરણના બે મુખ્ય આરોપીઓને ઝડપી પાડ્યા હતા અને કાયદેસરની કાર્યવાહી શરૂ કરી હતી.
આરોપીઓને સાથે રાખીને કરાશે ઘટનાનું રીકન્સ્ટ્રક્શન
આજે આ પકડાયેલા બંને આરોપીઓનો કાયદાનો દાખલો બેસાડવા માટે ઘટનાનું રીકન્સ્ટ્રક્શન કરવામાં આવશે. બપોરના સમયે મહુધા પોલીસ સ્ટેશનથી લઈને બસ સ્ટેન્ડ સુધીના વિસ્તારમાં ચુસ્ત પોલીસ બંદોબસ્ત અને કાફલા સાથે આરોપીઓને ઘટનાસ્થળે લઈ જઈને સમગ્ર ઘટનાનું રીકન્સ્ટ્રક્શન કરવામાં આવશે, જેથી કાયદો અને વ્યવસ્થા જળવાઈ રહે અને ગુનેગારોમાં કડક સંદેશ જાય.
આ પણ વાંચો: Junagadh News: જૂનાગઢ ઉપરકોટ કિલ્લામાં દીપડાની દહેશત યથાવત, સતત ચોથા દિવસે પણ કિલ્લો પ્રવાસીઓ માટે બંધ
