Kheda News: ઠાસરાના પાંડવનિયામાં સ્મશાન નજીકની ગટરમાંથી મળ્યો નવજાત બાળકીનો મૃતદેહ

ઠાસરામાં ગટરમાંથી મળી નવજાત બાળકીનો મૃતદેહ

પ્રાપ્ત માહિતી અનુસાર, પાંડવનિયા ગામના સ્મશાન પાસે આવેલી ગટરમાં કંઈક શંકાસ્પદ દેખાતા સ્થાનિકોએ તાત્કાલિક તેની જાણ પોલીસ કંટ્રોલ રૂમ (112) પર કરી હતી. માહિતી મળતા જ ડાકોર પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે ઘટનાસ્થળનું નિરીક્ષણ કરી બાળકીના મૃતદેહને ગટરમાંથી બહાર કાઢ્યો હતો.

પોલીસે હાથ ધરી તપાસ

પોલીસે આ મામલે અજાણ્યા વ્યક્તિઓ વિરુદ્ધ ગુનો નોંધી કાયદેસરની તપાસ હાથ ધરી છે. પ્રાથમિક તપાસમાં આ કૃત્ય કોઈ નિષ્ઠુર માતા-પિતા દ્વારા કરવામાં આવ્યું હોવાનું જણાય છે. હાલમાં, બાળકીના મૃતદેહને પોસ્ટમોર્ટમ માટે હોસ્પિટલ ખસેડવામાં આવ્યો છે. ફોરેન્સિક નિષ્ણાતોની હાજરીમાં આજે બાળકીનું પોસ્ટમોર્ટમ કરવામાં આવશે, જેનાથી મૃત્યુના ચોક્કસ કારણો જાણી શકાશે.

ડાકોર પોલીસ હાલ આસપાસના વિસ્તારના સીસીટીવી ફૂટેજ ચકાસવા અને સ્થાનિકોની પૂછપરછ કરીને આ પાપ કરનાર માતા-પિતા સુધી પહોંચવા માટે સઘન શોધખોળ કરી રહી છે.

આ પણ વાંચો:  Ahmedabad News: ખેતી બેંકની74 મી વાર્ષિક સામાન્ય સભા, 75 વર્ષની અમૃતયાત્રાની ગૌરવપૂર્ણ ઉજવણી