Kheda: ઠાસરામાં દુઃખદ ઘટના: કેનાલમાં માતાએ લગાવી છલાંગ, બચાવવા ગયેલો પુત્ર લાપતા

માતાને બચાવવા પુત્રએ લગાવી કેનાલમાં છલાંગ

ઘટનાની જાણ થતાં જ પુત્ર આર્યએ પોતાની માતાને બચાવવા માટે ત્વરિત કેનાલમાં ઝંપલાવ્યું હતું. માતા અને પુત્રને પાણીમાં ડૂબતા જોઈ આસપાસના સ્થાનિક લોકો તાત્કાલિક દોડી આવ્યા હતા. લોકોની ભારે જહેમત બાદ શિલ્પાબેનને કેનાલમાંથી સહીસલામત બહાર કાઢવામાં આવ્યા હતા. ત્યારબાદ 108 એમ્બ્યુલન્સ મારફતે તેમને તાત્કાલિક ડાકોરની સરકારી હોસ્પિટલ ખાતે સારવાર અર્થે ખસેડવામાં આવ્યા છે.

પુત્રની શોધખોળ ચાલુ

જોકે, આ દુઃખદ ઘટનામાં માતાને બચાવવા ગયેલો 15 વર્ષીય પુત્ર આર્ય કેનાલના તેજ પ્રવાહમાં ગરકાવ થઈ ગયો છે. આર્યનો હજુ સુધી કોઈ પત્તો લાગ્યો નથી. આ ઘટનાની જાણ થતાં જ ડાકોર પોલીસ (Local Police) ઘટનાસ્થળે પહોંચી ગઈ હતી. સ્થાનિક તરવૈયાઓ દ્વારા કેનાલમાં આર્યની શોધખોળ માટે સઘન મહેનત કરવામાં આવી રહી છે, પરંતુ સતત પ્રયત્નો છતાં હજુ સુધી તેનો કોઈ પત્તો મળ્યો નથી.

ઘટના પાછળનું શું છે કારણ?

સ્થાનિક લોકોના જણાવ્યા અનુસાર, કૌટુંબિક ઝઘડા અથવા ઘરકાંસના કારણે શિલ્પાબેને આ આત્યંતિક પગલું ભર્યું હોવાની પ્રાથમિક માહિતી મળી રહી છે. આ ઘટનાને પગલે સમગ્ર પંથકમાં ભારે ચકચાર મચી જવા પામી છે. પોલીસ હાલ આ મામલે આગળની તપાસ કરી રહી છે.

આ પણ વાંચોઃ Ahmedabad Rain News: અમદાવાદ શહેરના વાતાવરણમાં પલટો, વરસાદ શરૂ