Rajkot: રામનાથ મહાદેવ મંદિરે PI ની દાદાગીરીનો આરોપ, ભાજપ નેતા સાથે બબાલ, PCR વેનને જબરદસ્તી ઘુસાડી!

રસ્તો બંધ હોવા છતાં PCR વેન કઢાવ્યાનો આક્ષેપ

મળતી માહિતી મુજબ ગઈકાલે શ્રાવણના સોમવારે રામનાથ મહાદેવ મંદિરે મોટી સંખ્યામાં શિવભક્તો ફરાળ કરી રહ્યા હતા. આ દરમિયાન સુરક્ષા અને વ્યવસ્થાને ધ્યાનમાં રાખીને રસ્તો બંધ રાખવામાં આવ્યો હતો. તે સમયે PI દ્વારા PCR વેનને રસ્તામાંથી કાઢવા માટે કથિત રીતે જબરજસ્તી કરવામાં આવી હોવાનો આરોપ છે.

Advertisement

સમજાવવા છતાં ગાડી પરાણે કાઢી હોવાનો દાવો

ભાજપના નેતા જીતુભાઈના આક્ષેપ મુજબ, ઘટનાસ્થળે હાજર આગેવાનો દ્વારા PIને પરિસ્થિતિ સમજાવવાનો પ્રયાસ કરવામાં આવ્યો હતો. જોકે, અનેક વખત વિનંતી કરવા છતાં PCR વેન પરાણે કાઢવામાં આવી હોવાનો દાવો કરવામાં આવ્યો છે. આ સમગ્ર મામલે પોલીસ અધિકારીના વર્તન સામે ગંભીર સવાલો ઉઠાવવામાં આવ્યા છે.

ભાજપ આગેવાને શહેર પ્રમુખ સમક્ષ કરી રજૂઆત

આ ઘટનાથી નારાજ થયેલા ભોગ બનેલા નેતાઓએ સમગ્ર મામલે ભાજપ શહેર પ્રમુખને રજૂઆત કરી હોવાનું જાણવા મળી રહ્યું છે. PI દ્વારા સત્તાનો કથિત દુરુપયોગ કરવામાં આવ્યો હોવાના આક્ષેપો સાથે ઘટનાની ગંભીરતાથી નોંધ લેવા રજૂઆત કરવામાં આવી છે.

આસ્થાના કેન્દ્રમાં બનેલી ઘટનાથી ચર્ચા

આજી નદીના કિનારે આવેલું રામનાથ મહાદેવ મંદિર રાજકોટના શ્રદ્ધાળુઓ માટે મહત્વનું આસ્થાનું કેન્દ્ર છે. શ્રાવણ દરમિયાન અહીં મોટી સંખ્યામાં ભક્તો દર્શન અને ધાર્મિક કાર્યક્રમોમાં જોડાય છે. ત્યારે ફરાળ વિતરણ જેવા ધાર્મિક કાર્યક્રમ દરમિયાન પોલીસ અને આગેવાનો વચ્ચે થયેલા આ વિવાદને લઈને શહેરમાં ચર્ચા શરૂ થઈ છે.

આ પણ વાંચોઃ Rajkot: 77 વર્ષીય વૃદ્ધાના મળેલા મૃતદેહનો ભેદ ઉકેલાયો, દુષ્કર્મ આચરી નિર્દયતાથી કરી હતી હત્યા