Kutch Flamingo Video: DYCM હર્ષભાઈ સંઘવીએ શેર કર્યો કચ્છના રણનો અદ્ભુત વીડિયો, સુરખાબના દ્રશ્યો જોઈ સૌ મંત્રમુગ્ધ
- કચ્છ (Kutch) ના રણમાં વિદેશી પક્ષી સુરખાબ (Flamingo) ના અદ્ભુત દ્રશ્યો કેદ
- નાયબ મુખ્યમંત્રી હર્ષભાઈ સંઘવી (DYCM Harsh Sanghavi) એ 'X' પર વીડિયો કર્યો શેર
- માર્ચ મહિનો પૂર્ણ થયા બાદ પણ ફ્લેમિંગો (Flamingo) એ નાખ્યો પડાવ
- સામાન્ય રીતે માર્ચના પ્રારંભે પક્ષીઓ વતન પરત ફરે છે
- વિદેશી પક્ષીઓ માટે કચ્છ જાણે બન્યું 'રોડ ટુ હેવન'
Kutch Flamingo Video: ગુજરાતનું સફેદ રણ (White Desert) હાલમાં વિદેશી પક્ષીઓના આગમનથી ગુલાબી રંગે રંગાયું છે. સામાન્ય રીતે શિયાળાની વિદાય સાથે જ વિદેશી પક્ષીઓ વતન પરત ફરતા હોય છે, પરંતુ આ વર્ષે માર્ચ મહિનો પૂર્ણ થયા બાદ પણ હજારોની સંખ્યામાં સુરખાબ (Flamingo) પક્ષીઓએ કચ્છના રણમાં પડાવ નાખ્યો છે.
નાયબ મુખ્યમંત્રી હર્ષભાઈ સંઘવી (DYCM Harsh Sanghavi) એ શેર કર્યો સુરખાબ (Flamingo) નો અદ્ભુત નજારો
કચ્છના સફેદ રણમાં સુરખાબ (ફ્લેમિંગો) ના મંત્રમુગ્ધ કરી દેતા દ્રશ્યોનો એક વીડિયો ગુજરાતના નાયબ મુખ્યમંત્રી હર્ષભાઈ સંઘવીએ પોતાના સોશિયલ મીડિયા એકાઉન્ટ 'X' પર શેર કર્યો છે.
સાઇબેરિયા અને રશિયાથી આવ્યા 'મહેમાન'
દર વર્ષે હજારો કિમીનું અંતર કાપીને રશિયા (Russia) અને સાઇબેરિયાથી (Siberia) સુરખાબ પક્ષીઓ ગુજરાતના મહેમાન બને છે. કચ્છનું રણ આ પક્ષીઓ માટે પ્રજનન અને વસવાટ માટેનું ઉત્તમ સ્થળ માનવામાં આવે છે. હર્ષ સંઘવીએ શેર કરેલા ડ્રોન વીડિયોમાં (Drone Video) પક્ષીઓનો સુમેળભર્યો નજારો અને કુદરતની શ્રેષ્ઠ કૃતિ સમાન દ્રશ્યો કેદ થયા છે. પક્ષીઓના વિશાળ ઝુંડને કારણે રણ જાણે કોઈ જીવંત ચિત્ર (Live Painting) હોય તેવું ભાસી રહ્યું છે.
Kutch flamingos viral video: DyCM હર્ષભાઈ સંઘવીએ કચ્છના ફ્લેમિંગોનો વીડિયો કર્યો પોસ્ટ
સોશિયલ મીડિયા પર શેર કર્યો કચ્છના ફ્લેમિંગોનો વીડિયો
કચ્છના કુદરતી સૌંદર્યની સોશિયલ મીડિયામાં કરી પ્રશંસા
કુદરત અને પક્ષીઓના સંગમનો મંત્રમુગ્ધ કરી દેતો વીડિયો@sanghaviharsh #Flamingos… pic.twitter.com/W6ntsUm7ER— Gujarat First (@GujaratFirst) April 5, 2026
'રોડ ટુ હેવન' પર ફ્લેમિંગોનો જાદુ
કચ્છના પ્રખ્યાત 'રોડ ટુ હેવન' (Road to Heaven) વિસ્તારમાં આ પક્ષીઓનું આકર્ષણ સૌથી વધુ જોવા મળી રહ્યું છે. નાયબ મુખ્યમંત્રીએ આ નજારાને 'પિંક સીટી' (Pink City) તરીકે વર્ણવ્યું છે. સામાન્ય રીતે માર્ચના પ્રારંભમાં આ પક્ષીઓ પરત ફરતા હોય છે, પરંતુ આ વખતે એપ્રિલની શરૂઆત સુધી તેમનો અહીં જ રોકાણ પ્રવાસીઓ અને પક્ષીપ્રેમીઓ માટે ભારે કુતૂહલનો વિષય બન્યો છે.
સોશિયલ મીડિયામાં આ વીડિયો વાયરલ (Viral Video) થતા લોકો કચ્છના કુદરતી સૌંદર્ય અને પક્ષીઓના સંગમની પ્રશંસા કરી રહ્યા છે. આ દ્રશ્યો સાબિત કરે છે કે પ્રકૃતિ અને વન્યજીવો માટે ગુજરાત આજે પણ સુરક્ષિત અને સુંદર આશ્રયસ્થાન છે.
આ પણ વાંચો: Morbi BJP News: બધે ટિકિટ માટે પડાપડી, પણ આ શહેરમાં ભાજપને ઉમેદવાર જ મળતા નથી! શું છે કારણ?