Meta Title: કચ્છના ભુજમાં યુજીસીના નવા નિયમો અને શૈક્ષણિક પ્રશ્નોના વિરોધમાં સવર્ણ સમાજ દ્વારા વિશાળ રેલી યોજી હતી. યુજીસીના વિવિધ મુદ્દાઓ, મેરિટ, પીએચડી નિયમો અને કેટેગરીના વેઇટેજ સામે સવર્ણ સમાજના લોકોએ એકત્ર થઈને વિરોધ નોંધાવ્યો હતો. સમાજના લોકોએ રેલી સ્વરૂપે કલેક્ટર કચેરી પહોંચીને આવેદનપત્ર પાઠવ્યું હતું.
Bhuj UGC guidelines protest: કચ્છ જિલ્લાના મુખ્યાલય ભુજમાં યુજીસીના વિવિધ મુદ્દાઓ સામે સવર્ણ સમાજે વિરોધ કર્યો હતો. મોટી સંખ્યામાં સમાજના લોકોએ એકત્ર થઈને વિસાળ રેલી કાઢી હતી. શૈક્ષણિક ક્ષેત્ર અને વિદ્યાર્થીઓને સીધી અસર કરતા અનેક ગંભીર પ્રશ્નો અંગે આ રેલીમાં વિરોધ કરવામાં આવ્યો હતો. રેલી બાદ મોટી સંખ્યામાં એકત્રિત થયેલા લોકોએ જિલ્લા કલેક્ટરને રૂબરૂ મળીને આવેદનપત્ર પાઠવ્યું હતું. આ મામલે વહીવટી તંત્રનું ધ્યાન દોરીને યોગ્ય હસ્તક્ષેપ કરવાની માંગ કરવામાં આવી છે.
યુજીસીની માર્ગદર્શિકા અને પીએચડીના નિયમો સામે રજૂઆત
આવેદનપત્રમાં મુખ્યત્વે યુજીસીની નવી માર્ગદર્શિકા અને તેના નિયમોના અમલીકરણ સામે સવાલો ઉઠાવવામાં આવ્યા છે. શૈક્ષણિક સંસ્થાઓમાં પ્રવેશ પ્રક્રિયા અને લાયકાતની પદ્ધતિઓમાં પારદર્શિતા જાળવવાની ખાસ માંગ કરાઈ છે. રિવ્યુ અને મેરિટ જેવા મહત્વના મુદ્દાઓ પર ગંભીરતાથી વિચાર કરવા ભાર મૂકવામાં આવ્યો છે. આ ઉપરાંત પી.એચ.ડી. સંબંધિત નવા નિયમોના કારણે વિદ્યાર્થીઓને પડતી મુશ્કેલીઓનો પણ ચિતાર રજૂ કરાયો છે.
કેટેગરીના વેઇટેજ અને શૈક્ષણિક પારદર્શિતાની માંગ
શૈક્ષણિક ક્ષેત્રમાં સમાન તક અને યોગ્ય પ્રક્રિયા જાળવવી અત્યંત જરૂરી હોવાનું આવેદનપત્રમાં જણાવવામાં આવ્યું છે. કેટલીક ચોક્કસ કેટેગરીમાં 10 ટકા વેઇટેજ આપવા અંગે પણ ઊંડી ચિંતા વ્યક્ત કરવામાં આવી છે. આ તમામ જટિલ મુદ્દાઓ અંગે યુજીસીના સત્તાવાર અધિકારીઓ તાત્કાલિક ધોરણે યોગ્ય નિર્ણય લે તેવી પ્રબળ અપીલ કરાઈ છે. વિદ્યાર્થીઓના ભવિષ્યને ધ્યાનમાં રાખીને પ્રશ્નોનું વહેલી તકે નિરાકરણ લાવવામાં આવે તેવી માંગ કરવામાં આવી છે.
આ પણ વાંચો--- Ahmedabad Ganesh Idol Police Case: નરોડામાં ગણેશ પંડાલ આયોજક સામે ફરિયાદ, 8.5 ફૂટના સ્થાને મૂર્તિની ઊંચાઈ 22.5 ફૂટ નીકળી