ગુજરાત (Gujarat) માં ગેરકાયદેસર બાંધકામો અને જમીન હડપ કરનારા તત્વો સામે રાજ્ય સરકાર (State Government) દ્વારા 'ઝીરો ટોલરન્સ' (Zero Tolerance) નીતિ અપનાવવામાં આવી છે. આ કડક નીતિ હેઠળ મુખ્યમંત્રી ભૂપેન્દ્રભાઇ પટેલ (CM Bhupendra Patel) અને ગૃહ રાજ્યમંત્રી હર્ષભાઇ સંઘવી (Harsh Sanghavi) ના સીધા આદેશથી પૂર્વ કચ્છ (East Kutch) ના જૂના કંડલા (Juna Kandla) વિસ્તારમાં એક બહુ મોટું મેગા ડિમોલિશન (Mega Demolition) હાથ ધરવામાં આવ્યું છે. સરકારી જમીન પર ખડકી દેવાયેલા ગેરકાયદેસર દબાણો સામે તંત્રએ લાલ આંખ કરીને બુલડોઝર (Bulldozer Action) ફેરવી દીધું છે અને લાખો રૂપિયાની સરકારી જમીન દબાણમુક્ત કરાવી છે.
ઇફ્કો અને ઓઈલ પાઈપલાઈન નજીકથી ગેરકાયદે મસ્જિદ હટાવાઈ
આ સમગ્ર સંવેદનશીલ અને મોટી કાયદાકીય કાર્યવાહી બોર્ડર રેન્જ આઈજી ચિરાગ કોરડીયા (Border Range IG Chirag Koradiya) ના સીધા માર્ગદર્શન હેઠળ અને પૂર્વ કચ્છના એસપી સાગર બાગમાર (East Kutch SP Sagar Bagmar) ની કડક સૂચનાથી પોલીસ તંત્ર અને વહીવટી વિભાગના સંકલન સાથે પાર પાડવામાં આવી છે. ઓઈલ પાઈપલાઈન (Oil Pipeline) અને પ્રતિષ્ઠિત ઇફ્કો પ્લાન્ટ (IFFCO Plant) ની નજીક આવેલા અત્યંત સંવેદનશીલ વિસ્તાર (Sensitive Area) માં આ મેગા ઓપરેશન હાથ ધરવામાં આવ્યું હતું, જેના કારણે ગેરકાયદે પ્રવૃત્તિ કરતા તત્વોમાં ભારે ફફડાટ વ્યાપી ગયો છે.
ચુસ્ત પોલીસ બંદોબસ્ત વચ્ચે કંડલા મરીન પોલીસ વિસ્તારમાં સંવેદનશીલ દબાણો દૂર કરાયા
આ ઓપરેશન અંતર્ગત કંડલા મરીન પોલીસ (Kandla Marine Police) ની હદમાં આવતા સુરક્ષાની દ્રષ્ટિએ સંવેદનશીલ ગણાતા વિસ્તારમાં સરકારી જમીન પર ઊભી કરી દેવાયેલી ગેરકાયદેસર મસ્જિદ (Illegal Mosque) નું બાંધકામ તોડી પાડવામાં આવ્યું છે. કોઈપણ પ્રકારની કાયદો અને વ્યવસ્થા (Law and Order) ની સ્થિતિ ન બગડે તે માટે ઘટનાસ્થળે ચુસ્ત પોલીસ બંદોબસ્ત (Police Security) તૈનાત કરવામાં આવ્યો હતો. રેન્જ આઈજી અને એસપીના નેતૃત્વમાં ઉચ્ચ પોલીસ અધિકારીઓનો કાફલો પણ ઓપરેશન દરમિયાન સતત હાજર રહ્યો હતો.
સ્થાનિક તંત્ર અને પૂર્વ કચ્છ એસપી (East Kutch SP) ના સંયુક્ત માર્ગદર્શન હેઠળ ચાલેલી આ નમૂનારૂપ કાર્યવાહીથી કંડલા પંથકમાં વર્ષોથી સરકારી જમીન દબાવીને બેઠેલા ભૂમાફિયાઓ તેમજ ગેરકાયદેસર તત્વોને કડક સંદેશ આપવામાં આવ્યો છે. ઉચ્ચ કક્ષાએથી મળેલા આદેશ મુજબ, આવનારા દિવસોમાં પણ આ પ્રકારના તમામ ગેરકાયદેસર બાંધકામો અને દબાણો સામે તંત્રની ઝુંબેશ વધુ વેગવંતી બનાવવામાં આવશે અને કાયદાનું ઉલ્લંઘન કરનારાઓ સામે કડકમાં કડક કાયદાકીય પગલાં (Strict Action) લેવાશે.
આ પણ વાંચો: Bhil Nation Controversy : ગુજરાત અને ભારતની અખંડતા પર સીધો હુમલો: ચૈતર વસાવા અને AAPની ‘ભીલ રાષ્ટ્ર’ની માંગ સામે વિવાદ
