Kutch: અપહરણ કે મોટી સાજિશ? હનીફના 'બ્રેઈન વોશ' પ્લાનને પોલીસે કેવી રીતે કર્યો ફેઈલ?
- Kutch: પૂર્વ કચ્છ પોલીસને મોટી સફળતા મળી
- સગીરાના અપહરણ કેસમાં મોટી સફળતા મળી
- પશ્ચિમ બંગાળથી 13 વર્ષની સગીરાને મુક્ત કરાવાઇ
Kutch: પૂર્વ કચ્છ પોલીસ (East Kutch Police) વિભાગને એક મોટી સફળતા હાથ લાગી છે. ગત 23 માર્ચ 2026ના રોજ અંજારના અજાપર પાસે આવેલી બાજી કંપનીમાંથી એક 13 વર્ષની સગીરાનું અપહરણ (Kidnapping) કરવામાં આવ્યું હતું. આ કેસની ગંભીરતાને ધ્યાને લઈને પોલીસે વિવિધ ટીમો બનાવી તપાસ તેજ કરી હતી. ટેકનિકલ સર્વેલન્સ અને બાતમીદારોની મદદથી પોલીસને જાણવા મળ્યું હતું કે અપહરણ કરનાર શખ્સ સગીરાને લઈને પશ્ચિમ બંગાળ તરફ ભાગી ગયો છે. પૂર્વ કચ્છ પોલીસની ટીમે છેક બાંગ્લાદેશ બોર્ડર (Bangladesh Border) નજીક પહોંચીને આરોપી હનીફ હફીજુલ સરકારના ચુંગાલમાંથી સગીરાને હેમખેમ મુક્ત કરાવી હતી.
બ્રેઈન વોશ થયેલી સગીરાનું કાઉન્સેલિંગ
પોલીસ તપાસમાં બહાર આવ્યું છે કે આરોપી હનીફ હફીજુલ સરકારે સગીરાને ડરાવી-ધમકાવી (Threatened) અને તેનું બ્રેઈન વોશ (Brainwash) કરીને અપહરણ કર્યું હતું. સગીરા માનસિક રીતે અત્યંત દબાણમાં હોવાથી પૂર્વ કચ્છ પોલીસે તેને સુરક્ષિત રીતે કચ્છ લાવ્યા બાદ કાઉન્સેલિંગની મદદ લીધી હતી. આ કાઉન્સેલિંગ બાદ સગીરાની માનસિક સ્થિતિમાં સુધારો થયો હતો અને અંતે પોલીસે તેનું પરિવાર સાથે સુખદ મિલન (Reunion) કરાવ્યું હતું. પોતાની વ્હાલસોયી દીકરીને પાછી મેળવતા પરિવારમાં ખુશીનો માહોલ જોવા મળ્યો હતો.
આરોપી વિરુદ્ધ કડક કાર્યવાહી
આરોપી હનીફ હફીજુલ સરકાર વિરુદ્ધ પોલીસે કાયદાનો સકંજો કસ્યો છે. સગીરાની વય અને મામલાની ગંભીરતા જોતા આરોપી સામે પોક્સો (POCSO Act) અને એટ્રોસિટી (Atrocity Act) હેઠળ ગુનો નોંધવાની તજવીજ હાથ ધરવામાં આવી છે. ફરિયાદ નોંધાયાના ગણતરીના દિવસોમાં જ છેક પશ્ચિમ બંગાળથી સગીરાને શોધી કાઢવા બદલ પૂર્વ કચ્છ પોલીસની આ કામગીરીને બિરદાવવામાં આવી રહી છે. પોલીસના આ સાહસ અને ત્વરિત સફળતા બદલ તેમનું વિશેષ સન્માન પણ કરવામાં આવ્યું છે. આ કેસમાં પોલીસની આગળની કાર્યવાહીમાં અનેક ખુલાસોઓ થવાની શક્યતાઓ સેવાઈ રહી છે.
આ પણ વાંચોઃ Ahmedabad: વાડજ પોલીસને ચકમો આપી ફરાર થયેલો આરોપી ઝડપાયો, જાણો કયા કેસમાં સંડોવાયેલો?