East Kutch Police : પૂર્વ કચ્છ પોલીસની મોટી કાર્યવાહી, NDPS એક્ટ હેઠળ આરોપી પિન્ટુ વેદાનંદની 22.31 લાખની મિલકત જપ્ત
East Kutch Police: પૂર્વ કચ્છ પોલીસે એનડીપીએસ એક્ટ (NDPS Act) હેઠળ કાર્યવાહી કરતા પિન્ટુ યાદવ નામના આરોપીની 22.31 લાખ રૂપિયાની મિલકતો જપ્ત કરી છે. અગાઉ પણ એનડીપીએસના ગુનાઓમાં સંડોવાયેલા આ આરોપી સામે મુંબઈની કોમ્પિટન્ટ ઓથોરિટી સાફેમા દ્વારા મિલકત જપ્તીનો હુકમ કરવામાં આવ્યો હતો, જેના આધારે પોલીસે તેનું રહેણાંક મકાન, કાર અને ટુ-વ્હીલર સહિતની સંપત્તિ જપ્ત કરી છે.
Advertisement
East Kutch Police: પૂર્વ કચ્છ પોલીસે નશાકારક પદાર્થો અને ગેરકાયદે ડ્રગ્સના વેપાર સામે કડક વલણ અપનાવતા એક મોટી કાર્યવાહી હાથ ધરી છે. પૂર્વ કચ્છના એસ.પી. સાગર બાગમારના માર્ગદર્શન હેઠળ પોલીસે કુખ્યાત આરોપી પિન્ટુ વેદાનંદ ઉર્ફે બેદાનંદ યાદવની કુલ રૂપિયા 22.31 લાખની ચરાચર અને અચરાચર મિલકતો જપ્ત કરી છે. આ કાર્યવાહીથી નશો વેચનારા તત્વોમાં ભારે ફફડાટ વ્યાપી ગયો છે.