Kutch માં ભારે વરસાદની આગાહીને પગલે તંત્ર એલર્ટ, NDRF ની ટીમ તૈનાત, નાગરિકોને સતર્ક રહેવા અપીલ
કચ્છ જિલ્લામાં ભારે વરસાદની આગાહીને ધ્યાનમાં રાખીને જિલ્લા વહીવટી તંત્ર સંપૂર્ણ એલર્ટ મોડમાં છે. કલેક્ટર અનિલ રાણાવસિયાએ નાગરિકોને નદી, ડેમ અને તળાવથી દૂર રહેવા તેમજ કોઝવે પર પાણી વહેતું હોય ત્યારે રસ્તો પાર ન કરવાની અપીલ કરી છે. NDRFની ટીમ પણ બચાવ કામગીરી માટે તૈનાત કરવામાં આવી છે.
Advertisement
Kutch: હવામાન વિભાગ દ્વારા કચ્છ જિલ્લામાં ભારે વરસાદની આગાહી કરવામાં આવતા જિલ્લા વહીવટી તંત્ર સંપૂર્ણ સતર્ક બન્યું છે. સંભવિત આપત્તિજનક સ્થિતિને પહોંચી વળવા માટે વિવિધ વિભાગોને એલર્ટ પર રાખવામાં આવ્યા છે. જિલ્લા કલેક્ટર અનિલ રાણાવસિયાએ નાગરિકોને સાવચેતી રાખવા અને પ્રશાસનની સૂચનાઓનું પાલન કરવા અનુરોધ કર્યો છે. ખાસ કરીને નીચાણવાળા વિસ્તારોમાં રહેતા લોકો તેમજ વરસાદી પાણી ભરાવાની શક્યતા ધરાવતા વિસ્તારોમાં રહેતા લોકોને વધુ સાવચેત રહેવાની સલાહ આપવામાં આવી છે.