Kutch News: કંપનીના વિરોધમાં 14 ગામો મેદાને, નાની ખાખર ખાતે ઉગ્ર ધરણા પ્રદર્શન

14 ગામોના પ્રતિનિધિઓ એકઠા થયા, ગેટ પાસે ચક્કાજામ જેવી સ્થિતિ

આ આંદોલન માત્ર એક ગામ પૂરતું સીમિત નથી રહ્યું, પરંતુ તેની ગંભીરતાને જોતાં આસપાસના 14 ગામોના પ્રતિનિધિઓ અને આગેવાનો આ ધરણામાં સક્રિયપણે જોડાયા છે. આ તમામ ગામોના ખેડૂતો (Farmers) અને ગ્રામજનો સવારથી જ કંપનીના મુખ્ય ગેટ પાસે એકઠા થઈ ગયા હતા અને કંપની વહીવટતંત્ર સામે ઉગ્ર વિરોધ પ્રદર્શન શરૂ કર્યું હતું. સ્થાનિકોની આટલી મોટી સંખ્યાને જોતાં કંપની પ્રશાસનમાં પણ દોડધામ મચી ગઈ હતી.

 કંપની વિરુધ્ધ સૂત્રોચ્ચાર કર્યા

વિરોધ પ્રદર્શનને વ્યવસ્થિત વેગ આપવા માટે કંપનીના ગેટ પાસે જ એક વિશાળ જનસભાનું આયોજન કરવામાં આવ્યું હતું. આ સભામાં વિવિધ ગામોથી આવેલા સામાજિક અને રાજકીય આગેવાનોએ મંચ પરથી પોતાના મંતવ્યો રજૂ કર્યા. ઉપસ્થિત જનમેદનીએ કંપની સામે યોગ્ય કાયદાકીય કાર્યવાહી (Legal Action) કરવાની માગ સાથે આકાશ ગુંજવી મૂકે તેવા સૂત્રોચ્ચાર કર્યા.

પ્રદૂષણ, પર્યાવરણ અને આરોગ્ય પર મોટું જોખમ

ગ્રામજનોના વિરોધનું મુખ્ય કારણ કંપની દ્વારા ફેલાવવામાં આવતું પ્રદૂષણ છે. સ્થાનિકોએ આશંકા વ્યક્ત કરી છે કે આ કંપનીના કારણે સમગ્ર વિસ્તારનું પર્યાવરણ જોખમાઈ રહ્યું છે. કંપનીમાંથી નીકળતા કેમિકલયુક્ત કચરા અને ધુમાડાના કારણે આસપાસના લોકોના આરોગ્ય (Health) પર ખૂબ જ ગંભીર અસરો પડી રહી છે. ખેતીલાયક જમીન અને ભૂગર્ભ જળ પણ દૂષિત થઈ રહ્યા હોવાથી ખેડૂતોનો પાક નિષ્ફળ જવાનો ભય સતાવી રહ્યો છે. જો સરકાર કે તંત્ર આ બાબતે ત્વરિત પગલાં નહીં લે, તો આગામી દિવસોમાં આ આંદોલન વધુ ઉગ્ર બનશે તેવી ચીમકી પણ આપવામાં આવી છે.

આ પણ વાંચોઃ Dakor Overbridge: ઓવરબ્રીજની નીચેથી ફરી પોપડા પડ્યા, 2 વર્ષ પહેલા કરાયુ હતું લોકાર્પણ