Bhuj 'Kamalam' બેઠકનો અંતિમ નિર્ણય: જાણો ભુજ તાલુકા પંચાયતના નવા પ્રમુખ કોણ બન્યા?

• Bhuj 'Kamalam' ખાતે મહત્વની ઈવોલ્ટેજ બેઠક યોજાઇ
• કમલમની હાઈપ્રોફાઈલ બેઠક બાદ કચ્છ પંચાયતોનો નવો ચહેરો જાહેર
• ભુજ તા.પંચાયતના પ્રમુખ તરીકે લક્ષ્મીબેન ખેતાણીના નામની જાહેરાત

Bhuj Kamalam: કચ્છ (Kutch) જિલ્લાની રાજનીતિમાંથી આ સમયના સૌથી મોટા સમાચાર સામે આવી રહ્યા છે. કચ્છની 9 તાલુકા પંચાયત (Taluka Panchayat) ના આગામી હોદ્દેદારોની પસંદગી પ્રક્રિયાને આખરી ઓપ આપવા માટે ભુજ (Bhuj) સ્થિત ભાજપ કાર્યાલય 'કમલમ' (Kamalam) ખાતે પક્ષના વરિષ્ઠ આગેવાનોની એક અત્યંત મહત્વની બેઠક યોજાઈ હતી. આ બેઠકમાં ચૂંટાયેલા તમામ સભ્યો સાથે આગામી હોદ્દેદારોના નામો અંગે લાંબી અને ગહન ચર્ચા-વિચારણા કરવામાં આવી હતી. સ્થાનિક પક્ષના નેતાઓ દ્વારા તમામ તાલુકાઓમાં હોદ્દેદારોના નામો સર્વસંમતિ (Consensus) થી નક્કી થાય તે માટે ખાસ કવાયત હાથ ધરવામાં આવી હતી.

નામો જાહેર થતાં જ કચ્છના રાજકારણમાં ગરમાવો

લાંબા સમયથી ચાલી રહેલી અટકળોનો અંત આણીને આજે તમામ હોદ્દેદારોના નામોની સત્તાવાર જાહેરાત (Official Announcement) કરી દેવામાં આવી છે. પક્ષ દ્વારા નવા હોદ્દેદારોની પસંદગી કરવામાં આવતા જ કચ્છના સ્થાનિક રાજકારણમાં ભારે ગરમાવો આવી ગયો છે. સવારથી જ પક્ષના કાર્યકરો અને સમર્થકોમાં પોતાના મનપસંદ નેતાઓના નામો જાણવાની ભારે ઉત્સુકતા (Curiosity) જોવા મળી રહી હતી. નામો જાહેર થતાં જ ક્યાંક ખુશી તો ક્યાંક આશ્ચર્યનો માહોલ જોવા મળી રહ્યો છે.

ભુજ તાલુકા પંચાયતના પાંચ મહત્વના હોદ્દેદારોના નામો જાહેર

કચ્છની સૌથી મહત્વની ગણાતી ભુજ તાલુકા પંચાયત માટે પક્ષ દ્વારા પ્રમુખ સહિતના મુખ્ય પાંચ હોદ્દેદારોના નામોની જાહેરાત કરવામાં આવી છે. જેમાં ભુજ તાલુકા પંચાયતના સર્વોચ્ચ પ્રમુખ પદ માટે લક્ષ્મીબેન ખેતાણી (Lakshmiben Khetani) ના નામની જાહેરાત કરવામાં આવી છે. જ્યારે ઉપપ્રમુખ તરીકે રાધાબેન આહીર (Radhaben Ahir) ની પસંદગી કરવામાં આવી છે.

પંચાયતની મુખ્ય ગણાતી કારોબારી સમિતિના ચેરમેન પદે કુલદીપસિંહ ચૌહાણ (Kuldipsinh Chauhan) ના નામ પર મહોર મારવામાં આવી છે. તો બીજી તરફ શાસક પક્ષના નેતા તરીકે ભરત રાઠોડ (Bharat Rathod) ની નિયુક્તિ કરાઈ છે. પક્ષના શિસ્ત સભર સંચાલન માટે દંડક તરીકે મોંઘીબેન રબારી (Monghiben Rabari) ની પસંદગી કરવામાં આવી છે.

આવતીકાલે વિધિવત જાહેરાત થશે

આજે તમામ નક્કી કરાયેલા ઉમેદવારો દ્વારા ઉત્સાહભેર તાલુકા પંચાયત કચેરી ખાતે પોતાના સત્તાવાર ફોર્મ (Forms) ભરવામાં આવ્યા હતા. આ ફોર્મ ભરવાની પ્રક્રિયા દરમિયાન મોટી સંખ્યામાં કાર્યકરો ઉમટી પડ્યા હતા અને આતશબાજી સાથે વિજેતા ઉમેદવારોને વધાવ્યા હતા. ફોર્મની ચકાસણી બાદ આવતીકાલે તાલુકા પંચાયત કચેરી (Taluka Panchayat Office) ખાતેથી નવનિયુક્ત હોદ્દેદારોના નામોની કાયદેસર અને વિધિવત જાહેરાત કરવામાં આવશે.

આ પણ વાંચો: Junagadh Jilla Panchayat ના પ્રમુખ અને ઉપપ્રમુખના નામની જાહેરાત, જાણો કોના નામ પર લાગી મહોર