Kutch Demolition: 9 તાલુકાઓમાં બુલડોઝર ફરી વળ્યા, કરોડોની સરકારી જમીન મુક્ત

1.67 કરોડથી વધુની 22,485 ચોરસ મીટર સરકારી જમીન મુક્ત

તંત્ર દ્વારા આ ઓપરેશન દરમિયાન કુલ 22,485 ચોરસ મીટર સરકારી જમીનને ભૂમાફિયાઓ અને દબાણકારોથી મુક્ત કરાવી લેવામાં આવી છે. સત્તાવાર સૂત્રોના જણાવ્યા અનુસાર, મુક્ત કરાયેલી આ સરકારી જમીનની અંદાજિત બજાર કિંમત 1.67 કરોડ રૂપિયાથી વધુ હોવાનું જાણવા મળ્યું છે. આ કામગીરી માટે પોલીસ પ્રોટેક્શન (Police Protection) પણ મેળવવામાં આવ્યું હતું, જેથી કોઈ કાયદો અને વ્યવસ્થાની સ્થિતિ વણસે નહીં.

સૌથી વધુ કાર્યવાહી ભુજ તાલુકામાં, ધાર્મિક અને વાણિજ્યિક દબાણો હટાવાયા

આ સમગ્ર ડિમોલિશન અભિયાન અંતર્ગત હટાવવામાં આવેલા દબાણોનું વર્ગીકરણ જોઈએ તો, તેમાં 11 ધાર્મિક (Religious), 17 વાણિજ્યિક અને 2 રહેણાંક બાંધકામોનો સમાવેશ થાય છે. જિલ્લાના મુખ્ય મથક ભુજ તાલુકામાં વહીવટી તંત્ર સૌથી વધુ એક્શન મોડમાં જોવા મળ્યું હતું અને ત્યાં સૌથી વધુ 15 દબાણો સામે કડક કાનૂની કાર્યવાહી કરવામાં આવી હતી.

કચ્છના ખૂણે-ખૂણે ચાલ્યું બુલડોઝર, આગામી સમયમાં પણ ઝુંબેશ રહેશે ચાલુ

ભુજ ઉપરાંત અબડાસા (Abdasa) માં 5, નખત્રાણા (Nakhatrana) માં 3 અને ગાંધીધામ (Gandhidham) માં 2 ગેરકાયદેસર દબાણો તોડી પાડવામાં આવ્યા છે. આ ઉપરાંત લખપત (Lakhpat), મુંદ્રા (Mundra), માંડવી (Mandvi), ભચાઉ (Bhachau) અને રાપર (Rapar) તાલુકાઓમાં પણ પીળા પંજાએ ગેરકાયદે બાંધકામો સાફ કર્યા હતા. વહીવટી તંત્રએ સ્પષ્ટ સંકેત આપતા જાહેર કર્યું છે કે, આગામી સમયમાં પણ આ દબાણમુક્તિ અભિયાન (Anti-Encroachment Drive) આ જ રીતે અવિરત ચાલુ રાખવામાં આવશે.

આ પણ વાંચો: Bhuj McDonalds Controversy: ભુજમાં વેજ બર્ગરના નામે નોનવેજ પીરસાયું, સૂત્રોચ્ચાર સાથે ઉગ્ર વિરોધ પ્રદર્શન