Kutch News: ખાવડા રિન્યુએબલ એનર્જી પાર્કમાં આતંકી હુમલાની મોકડ્રિલ, સુરક્ષા એજન્સીઓની સજ્જતાની પરખ

હુમલાખોરો સામે સંયુક્ત કાર્યવાહીનો અભ્યાસ

મોકડ્રિલ દરમિયાન કલ્પના કરવામાં આવી હતી કે આતંકીઓ ફાયરિંગ કરતા કરતા એનર્જી પાર્કના સેન્ટ્રલ કંટ્રોલ રૂમમાં ઘૂસી ગયા છે. આ સ્થિતિમાં ભારતીય સેના, ગુજરાત પોલીસ અને વિવિધ સુરક્ષા એજન્સીઓએ ત્વરિત પ્રતિભાવ આપીને હુમલાખોરોને ઘેરી લેવા અને તેમને પકડી પાડવાની કવાયત કરી હતી. હાઇબ્રિડ અને આધુનિક જોખમોને ધ્યાનમાં રાખીને સુરક્ષા એજન્સીઓની ઝડપી કાર્યવાહી અને તેમની પ્રતિસાદ ક્ષમતાની ચકાસણી કરવામાં આવી હતી.

સંકલન અને સુરક્ષા પ્રોટોકોલનું પરીક્ષણ

આ અભિયાનનો મુખ્ય હેતુ સુરક્ષા એજન્સીઓ વચ્ચેના પરસ્પર સંકલનને વધુ મજબૂત બનાવવાનો હતો. આપત્તિકાલીન સ્થિતિમાં બચાવ કામગીરી કેવી રીતે કરવી અને સુરક્ષા પ્રોટોકોલનું પાલન કઈ રીતે કરવું, તેનું સઘન પરીક્ષણ કરવામાં આવ્યું હતું. રાષ્ટ્રીય ઊર્જા સુરક્ષા માટે વ્યૂહાત્મક રીતે મહત્વના આ પાર્ક પર કોઈ પણ પ્રકારના જોખમને નાબૂદ કરવા માટે સુરક્ષા દળોએ પોતાની સજ્જતાનું પ્રદર્શન કર્યું હતું.

આ પણ વાંચો:  Jamnagar news: IG નિર્લિપ્ત રાયની અનોખી સ્ટાઈલ! 60થી વધુ ગુનેગારો પાસે સાફ કરાવ્યો બગીચો