Kutch Madhapar Food Poisoning: ભુજના માધાપરમાં બટુક ભોજન બન્યું વિષ સમાન, 30 થી વધુ બાળકોને ફૂડ પોઈઝનિંગની અસર

અસરગ્રસ્ત બાળકોની સ્થિતિ અને હોસ્પિટલ સારવાર

આ બનાવમાં 3 થી 13 વર્ષની વયના બાળકો ભોગ બન્યા છે. તબિયત બગડતાની સાથે જ ત્વરિત ધોરણે તમામ અસરગ્રસ્ત બાળકોને નજીકની હોસ્પિટલમાં સારવાર માટે ખસેડવામાં આવ્યા હતા. સદનસીબે, હોસ્પિટલમાં સારવાર હેઠળ રહેલા તમામ બાળકોની સ્થિતિ હાલ સ્થિર છે અને તબીબો તેમની સતત દેખરેખ રાખી રહ્યા છે. પ્રસાદ રૂપે પીરસવામાં આવેલી છાશમાં ખામી હોવાની આશંકા સેવાઈ રહી છે, જેના નમૂના તપાસ માટે લેવામાં આવશે.

આરોગ્ય વિભાગ દ્વારા સર્વે અને સાવચેતી

ઘટનાની જાણ થતા જ સ્થાનિક આરોગ્ય વિભાગ તુરંત હરકતમાં આવ્યું છે. આરોગ્ય અધિકારીઓની ટીમ દ્વારા અસરગ્રસ્ત વિસ્તારમાં ડોર-ટુ-ટૂર સર્વેની કામગીરી હાથ ધરવામાં આવી છે. જેથી અન્ય કોઈ બાળકને અસર ન થઈ હોય તેની ખાતરી કરી શકાય. આ બનાવને પગલે વિસ્તારમાં ગભરાટનો માહોલ જોવા મળ્યો છે. કાર્યક્રમના આયોજકો અને સંબધિત વિભાગો દ્વારા સમગ્ર મામલાની ગંભીરતાથી તપાસ શરૂ કરવામાં આવી છે.

આ પણ વાંચો--- King of Salangpur Copyright Dispute: 'કિંગ ઑફ સાળંગપુર' પ્રતિમાના કોપીરાઇટ વિવાદ, કોઠારી સ્વામીની મોટી સ્પષ્ટતા