Kutch Murder Case: ભચાઉમાં મર્ડર કેસમાં પોલીસે 4 આરોપીઓને ઝડપી પાડ્યા

• Kutch Murder Case: પોલીસને મર્ડરના ગુનામાં સફળતા
• હત્યા કેસના 4 આરોપીઓને પોલીસે ઝડપી પાડ્યા
• ગુપ્ત બાતમીના આધારે ભચાઉ વિસ્તારમાં કાર્યવાહી

Kutch Murder Case: કચ્છ જિલ્લાના ભચાઉ (Bhachau) પંથકમાં તાજેતરમાં બનેલી હત્યાની ગંભીર ઘટનાનો ભચાઉ પોલીસે સફળતાપૂર્વક પર્દાફાશ કર્યો છે. હત્યાના આ ચકચારી કેસમાં સંડોવાયેલા કુલ 4 આરોપીઓને પોલીસે દબોચી લઈને જેલના સળિયા પાછળ ધકેલી દીધા છે.

ચાર આરોપીઓને ઝડપી પાડ્યા

મળતી માહિતી મુજબ, ભચાઉ પોલીસ સ્ટેશન (Bhachau Police Station) ના સ્ટાફને ગુપ્ત બાતમી મળી હતી કે, હત્યાની ઘટનામાં સંડોવાયેલા આરોપીઓ ભચાઉ વિસ્તારમાં છુપાયા છે. આ બાતમીના આધારે પોલીસે તાત્કાલિક અસરથી પેટ્રોલિંગ વધારી દીધું હતું અને શંકાસ્પદ સ્થળોએ તપાસ હાથ ધરી હતી. આ દરમિયાન પોલીસને મોટી સફળતા મળી અને ચાર આરોપીઓને ઝડપી પાડવામાં આવ્યા હતા.

ચારેય આરોપીઓ નાની ચિરઈ વિસ્તારના

પોલીસ તપાસમાં બહાર આવ્યું છે કે, આ ચારેય આરોપીઓ નાની ચિરઈ (Nani Chirai) વિસ્તારના રહેવાસી છે. પકડાયેલા આરોપીઓમાં રહીમ (Rahim), ઇરફાન (Irfan), હસન (Hasan) અને ઇકબાલ (Iqbal) નો સમાવેશ થાય છે. આ આરોપીઓ સામે ભારતીય ન્યાય સંહિતા (BNS) ની કલમ 103(1), 118(2), 296 સહિતની વિવિધ ગંભીર કલમો હેઠળ ગુનો નોંધવામાં આવ્યો છે.

આરોપીઓ વિરુધ્ધ કડક કાર્યવાહી

ભચાઉ પોલીસ સ્ટાફની સતર્કતા અને વ્યાવસાયિક તપાસને કારણે હત્યા જેવો જટિલ કેસ ટૂંકા સમયમાં ઉકેલાઈ શક્યો છે. હાલ તમામ આરોપીઓને કસ્ટડીમાં લઈ તેમની સામે કાયદેસરની કાર્યવાહી હાથ ધરવામાં આવી છે. આ સફળતા બાદ પોલીસ દ્વારા વિસ્તારમાં પેટ્રોલિંગ વધારી દેવામાં આવ્યું છે .

 આ પણ વાંચોઃ ભુજથી રાજધાની દિલ્હી સુધી દૈનિક Express Train સેવા શરુ, સુવિધાનો નવો અધ્યાય