Kutch News : કચ્છ જિલ્લાના મુન્દ્રા તાલુકામાંથી એસઓજી પશ્ચિમ કચ્છ-ભુજની ટીમે ડ્રગ્સ વિરુદ્ધ એક મોટી અને સફળ કાર્યવાહી હાથ ધરી છે. મોખા-પ્રાગપર રોડ પર આવેલા અદાણી પાર્કિંગ પાસેથી એક ટ્રેલર કન્ટેનરમાં છુપાવવામાં આવેલું અંદાજે રૂ. 37 લાખની કિંમતનું 185 ગ્રામ હેરોઈન ઝડપી પાડવામાં આવ્યું છે.
પ્રાપ્ત વિગતો અનુસાર, એસઓજી ટીમ દ્વારા કરવામાં આવેલી આ તપાસ દરમિયાન પંજાબના મોગા જિલ્લાના ધરમકોટ તાલુકાના રહેવાસી 30 વર્ષીય કારજસિંઘ કુલબીરસિંઘ માનીસ નામના શખ્સને ઝડપી લેવામાં આવ્યો છે. પોલીસ દ્વારા આરોપીની કડક પૂછપરછ અને તપાસ હાથ ધરવામાં આવી છે.
Advertisement ![Navratri Banner]()
Kutch News : એસઓજી પશ્ચિમ કચ્છ-ભુજની ટીમે કાર્યવાહી કરી
ઉલ્લેખનીય છે કે આરોપીના કબજામાંથી હેરોઈન ઉપરાંત 2 મોબાઈલ ફોન, ડિજિટલ વજનકાંટો અને 1,59,105 ની રોકડ રકમ મળી આવી હતી. પોલીસે હેરોઈન, રોકડ અને મોબાઈલ ફોન સહિત ઉપયોગમાં લેવાયેલું ટ્રેલર અને કન્ટેનર પણ કબજે કર્યું છે, જેના કારણે જપ્ત કરાયેલા કુલ મુદ્દામાલની કિંમત દોઢ કરોડ રુપિયાથી વધુ થવા જાય છે.
ટ્રેલર કન્ટેનરમાંથી 185 ગ્રામ હેરોઈનનો જથ્થો મળ્યો
મહત્વનું છે કે કચ્છના દરિયાઈ અને ઔદ્યોગિક વિસ્તારમાંથી આ પ્રકારે માદક પદાર્થ ઝડપાતા સુરક્ષા એજન્સીઓ અને પોલીસ તંત્ર વધુ સતર્ક બન્યું છે. આ હેરોઈનનો જથ્થો ક્યાંથી લાવવામાં આવ્યો હતો અને ગુજરાતમાં કોને પહોંચાડવાનો હતો તે અંગે એસઓજી પશ્ચિમ કચ્છ-ભુજ દ્વારા આંતરરાજ્ય નેટવર્કની દિશામાં સઘન તપાસ ચલાવવામાં આવી રહી છે.
આ પણ વાંચો : Surat News : જહાંગીરપુરામાં કલર કામ કરતી વેળાએ 8મા માળેથી શ્રમિક પટકાતા મોત
