Kutch Rain: કચ્છના પશ્ચિમ વિસ્તારમાં લાંબા વિરામ બાદ વરસાદી ઝાપટાં, ખેડૂતોમાં ખુશીની લહેર

કચ્છમાં લાંબા વિરામ બાદ મેઘરાજાની એન્ટ્રી

અબડાસા તાલુકાના સિંધોડી મોટી ગામમાં વરસાદી ઝાપટાં વરસ્યા હોવાના અહેવાલ મળ્યા છે. આ સિવાય નખત્રાણાના મથલ તેમજ ભુજ તાલુકાના કોટડા ચકાર ગામમાં પણ મેઘરાજાએ પોતાની હાજરી નોંધાવતા રસ્તાઓ ભીના થયા હતા. લાંબા શુષ્ક સમયગાળા બાદ પડેલા આ છાંટાઓએ ધરતીની પ્યાસ તો ઓછી કરી જ છે, સાથે જ મુરઝાતા પાકને પણ નવજીવન મળવાની આશા બંધાઈ છે.

વરસાદ વરસતા ખેડૂતોમાં ખુશીની લહેર

કચ્છ પંથકમાં વરસાદની અનિયમિતતા વચ્ચે આ ઝાપટાં ખેડૂતો માટે રાહતના સમાચાર લઈને આવ્યા છે. હવામાન વિભાગના જણાવ્યા અનુસાર, સ્થાનિક પરિબળોને કારણે વાતાવરણમાં આ બદલાવ આવ્યો છે. વરસાદના આગમનથી લાંબા વિરામ બાદ ધરતીપુત્રોના ચહેરા પર રોનક પાછી ફરી છે અને આગામી દિવસોમાં અન્ય વિસ્તારોમાં પણ સારા વરસાદની અપેક્ષા સેવવામાં આવી રહી છે.

આ પણ વાંચો : Bhagalpur Railway Accident : 'સાહેબ, દીકરીને બચાવી લો...' પણ કાળ પહેલા પહોંચ્યો ! ટ્રેનની અડફેટે આવતા પરિવારના 3 સભ્યના મોત